Thursday , November 23 2017
Home / Eleisaun Parlamentar / Laura Pina: Hau prontu, Simu Kargu Tanba Hakarak Halo Mudansa
Secretária de Estado da Igualdade do Género e Inclusão Social, Laura Menezes Lopes halo entrevista ho TAFARA.TL iha Palacio Prezidente Republika, Bairo- Pitte.[Foto: Zevonia Vieira | TAFARA.TL | 03.10.2017].

Laura Pina: Hau prontu, Simu Kargu Tanba Hakarak Halo Mudansa

“Hau sempre prontu, no simu kargu ida ne’e tanba hakarak halo mudansa”,  hateten Laura, ho naran konyesido Laura Pina ba TAFARA.TL.

Kargu ba Secretária de Estado da Igualdade do Género e Inclusão Social, assume hosi, Laura Menezes Lopes.

Iha entrevista ho TAFARA.TL liga ho asumtu igualdade genero no inclusão, esforsu no mudansa saida mak presiza halo hodi bele responde issue ida ne’e?

 Secretária de Estado Laura hateten katak sei iha asumtu barak sei halao iha instituisaun ida ne’e, ne’ebe sei sai hanesan obstaklu iha area rural no urbanu, importante mak halo esforsu atu bele ultrapasa obstaklu sira ne’e.

“Hau sempre prontu, no simu kargu ida ne’e tanba hakarak halo mudansa”,  hateten Laura, ho naran konyesido Laura Pina ba TAFARA.TL iha palacio Prezidente Republika, loron 03/10.

Liga ho servisu media nian ne’ebe mak durante ne’e tuir observasuan organizsaun feto, katak media la dun ativu ba iha halo kobertura ba asumtu feto no la iha sensibilidade ba asumtu feto no generu. Saida mak tenke halo hodi bele hasae partisipasaun media iha koberutra liga generu?

Laura Pina esplika katak, ida ne’e presiza fo atensaun prioridade, reativa fila fali formasaun ba media sira kona ba sensibilidade ba igualdade generu no mos partisipasaun feto iha dezenvolvimentu, atu nune’e media sira bele komprende liutan kona ba kestaun refere.

Laura Pina moris iha Maubisi, Municipio Ainrao, Kaben naran Rui Da Costa Belo, oan nain haat, ne’ebe iha esperiensia barak servisu ba promosau feto no igualdade generu , ho laran kontente simu kargu ida ne’e maske dalabarak hasoru dezafius barak, maibe laos sai hanesan obstaklu, importante mak hau simu kargu ida ne’e no hau fiar katak bele servisu ho feto maluk sira, hodi lori programa governu nian ba oin.

Hanesan mos Diretora Ezekutiva Fundasaun Patria, ba TAFARA.TL, hodi informa ba povu tomak, katak agora Timor lao tuir faze dezenvolvimento, husu ba povu atu bele kopera ho Governu, hodi fo hanoin ba malu ne’ebe konstruktivu no edukativu. Haluha tiha konflitu, hanesan  nain ulun sira dehan adeus konflitu, bemvindo dezenvolvimentu, lia fuan ne’e relevante nafatin iha situasuan agora no ba iha futuru.

Iha parte sorin Komunidade Bairo-Pitte, Florentina Batista (31), hatoo parabens ba Lauran Pina hodi assume argu refere. Nudar kaben nain ho oan nain rua, entrega nia esperansa tomak, atu bele hare asumtu feto nian, ne’ebe dala barak sei sai vitima iha uma laran no sosiadade nia leet.

“Hau kontente ita iha lider foun ida, hodi kaer kargu ida ne, espera bele responde halerik ami nian ne’ebe sedauk responde ho diak, sei sai nafatin vitima iha uma laran no sosiadade. Espera bele iha mudansa ne’ebe diak ba ami nia moris”, hateten Florentina. * [Zevonia Vieira | TAFARA.TL | 03.10.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bloku AMP Sei Hatama Mosaun Sensura Iha Plenaria Segunda Semana Oin

“Ami hateten katak ami sei elabora hela tamba ezijensia Deputadu sira nian sira vota kontra …

Leave a Reply

Your email address will not be published. Required fields are marked *