Thursday , November 23 2017
Home / Sosial & Politika / Leovigildo Hornai: FFDTL no PNTL Tenke Neutral iha Situasaun Politika
Diskursru Leovigildo iha tomada de pose ba conselho dezenvolvimentu Juventude iha Edifisiu SEJD.[Foto: Zinho MD | TAFARA.TL].

Leovigildo Hornai: FFDTL no PNTL Tenke Neutral iha Situasaun Politika

Situasaun politika iha rai laran, ne’ebe akontese ba dala uluk iha orgaun soberano sira nia laran. Situasaun ida ne’e hamosu opiniaun publiku hodi analiza no balun fo solusaun atu bele resolve hamutuk ba nasun nian diak.

Jornalista TAFARA.TL dadalia ho Sekretaria Estadu Juventude no Desportu Sesante, Leovigildo da Costa Hornai hateten Situasaun iha Timor ne’e primeira vez ne’e akontese lao iha Timor, mais iha rai barak iha Europa, Asia situasaun sira ne’e akontese ona.

“Iha prosesu natural iha prosesu direitu Konstituisional katak prosesu  Demokratiku ida, iha Governasaun Maioria, Governasaun Minoria I prosesu sira ne’e lao iha ambitu konstituisional,” Tenik Leo.

Liga ba situasaun iha Timor-Leste Leovildo hateten publiku akompanna prosesu sira ne’e katak, ema hotu tenke asegura kona ba estabilidade nasional, unidade nasional no mos tenke to ba iha faze ida konsensus ka dialogu nasional ida entre lideransa sira ne’e.

Eis Presidente CNJTL, Leovigildo da Costa Hornai esklarese ba TAFARA.TL konaba Forsa no PNTL katak hakerek iha Konstituisaun klaru, forsa defeza tenke hamrik neutru ho PNTL atu asegura kona ba estabilidade nasional.

“Papel forsa defesa nian hanusa, papel PNTL nian hanusa ne’e hakerek iha konstituisaun klaru, forsa defesa nia tenke hamrik neutru, nia firmi iha pozisaun, ho PNTL atu asegura konaba estabilidade nasional no mos sei la afavor ba principiu ka hanoin politika, ideologia ruma iha rai ida ne’e, para atu asegura nafatin principiu ida equilibriu, balansu katak prosesu hotu ne’e hela ho orgaun soberano nian, hanesan Prezidesaun da Republika, Parlamento Nasional no Governo rasik ho partidu politiku sira, tuir mandatu Konstituisional atu sira bele halo knaar iha ne’eba, para bele iha rezultadu ida ba Timor-Leste tomak”, hateten Leovigildo.

Leovigildo husu ba forsa defeza nasional atu hamrik metin hodi labele adere ba forsa ideologia politika iha rai ida ne’e. Para prosesu demokratiku ida, prosesu Konstituisional ida lao iha Timor-Leste ne’e para Presidente da Republika mak hola papel importante.

“Hau apela no avija husu ho haraik an atu lider politiku sira labele halo aprosimasaun ho forsa sira para depois atu defende fali sira nia interese ideologia iha prosesu estadu ida ne’e, prosesu tranzisaun ida  ne’e, sira hotu hotu tenke koalia onestu atu labele fo fatin ba iha forsa, atu labele hola parte iha prosesu politiku ida ne’e I forsa nia papel mak nafatin kaer metin Konstituisaun neutralidade iha prosesu tomak, para depois atu bele asegura konaba estabilidade nasional no unidade nasional no prosesu demokratiku Konstituisional ida iha rai Timor Lorosa’e”, dehan Leovigildo hafoin remata sesaun abertura II kongresu Comite 12 Novembru nian.

Entertanto TAFARA.TL halo konfirmasaun ho Konstituisaun RDTL bazeia ba papel Forsa defesa no PNTL nian.

Iha konstituisaun RDTL artidu Artigu 146. o (Forsa Armada sira) 1. Forsa Armada Timór-Leste nian, FALINTIL-FDTL, ne’ebé sidadaun nasionál de’it maka halo parte, ne’e mak responsavel ba defeza militár Repúblika Demokrátika Timór-Leste nian no nia organizasaun nu’udar ida mesak ba territóriu nasionál tomak. 2. FALINTIL-FDTL garante independénsia nasionál, integridade territoriál, liberdade no populasaun nia seguransa hasoru agresaun ruma ka ameasa externa, ho respeitu ba orden konstitusionál. 3. FALINTIL-FDTL labele iha partidu polítiku no rona de’it ba órgaun soberanu kompetente sira, tuir Lei-Inan no lei, no sira labele halo intervensaun polítiku naran ida.

Artigu 147.o (Polísia no forsa seguransa sira) 1. Polísia sei defende legalidade demokrátiku no garante sidadaun sira-nia seguransa internu, maibé sira labele iha partidu polítiku. 2. Prevensaun kriminál tenke hala’o ho respeitu ba direitus umanus. 3. Lei maka sei harii rejime ba polísia no mós forsa seguransa seluk.* [Jesuino Marcal de Jesus | TAFARA.TL | Editor: Zevonia Vieira | 07.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bloku AMP Sei Hatama Mosaun Sensura Iha Plenaria Segunda Semana Oin

“Ami hateten katak ami sei elabora hela tamba ezijensia Deputadu sira nian sira vota kontra …

One comment

  1. Hau la komprende Senhor Lere Anan Timur. ema hasai nia para ba koalia politika nia lakohi depois nia lidera instituisaun ida nebe lolos ne neutru iha situasaun saida deit mas nia halo fali intervensaun politika hodi koalia fali katak tenki mantein VII governu konstitucional ne lalos no latuir regra konstituicao. lolos ne’e intervencao ida hansa ne’e procurador sira tenki investiga tamba ne’e lao latuir ona saida mak konstituicao haruka nune’e tenki hasai husi kargu ne’e se lae bele afeta ba nasaun nia estabilidade.

Leave a Reply

Your email address will not be published. Required fields are marked *