Thursday , November 23 2017
Home / Divertimentu / Marí Alkatiri Bolu ‘Chico Maulohi’ Nudar Lider da Frente Kultural no Frente Artistika
[foto: Edit Zinho].

Marí Alkatiri Bolu ‘Chico Maulohi’ Nudar Lider da Frente Kultural no Frente Artistika

Primeiru Ministru Marí Alkatiri partisipa iha homenagen ikus ba Artisita Legendario no Militante Fretilin Francisco de Jesus Brito ‘Siku Maulohi’ iha cemiteriu becusi Bekora, Dili.

Iha Cemiteriu Becusi Primeiru Ministru hato’o nia liafuan ikus ho laran triste ba matebian “Chico Maulohi”, katak lori estadu nia naran hato’o profundas kondolensia tamba ohin ita hotu mai, atu halo nia (Chico Maulohi) iha fatin ikus liu.

Sekretariu Geral Partidu Fretilin ne’e mos hatutan liu tan katak, dala barak ema la kompriende tamba sa Chico ne’e importante ba rai Timor-Leste.

“Importante tamba Chico Maulohi ne’e luta dor ida que ema barak la koalia, Frente Kultural, Frente artistika, Frente ida ne’e mak transversal, Frente ida ne’e maka halibur ema hotu iha objetivu ida deit. bainhira uluk ami luta, ami dehan iha frente ida ne’ebe deit luta ne’e cultural, tamba ita luta para afirma ita nia identidade”, Tenik Mari

Marí salientu liu tan katak pesiza hahu ho politika ida ne’ebe kultura mak tenke determina buat sira ne’e hotu, kultura mak tenke hametin identidade, “ohin ita mai musicus sira bolu Chico legendario, I hau bolu lider da frente cultural, lider da Frente Artistika”.

Antes atu taka Marí Alkatiri iha rate laran, hamutuk ho familia tomak kanta musika mai ita hamutuk. Partisipa iha funerariu ida ne’e, husi Primeiru Ministru RDTL, Artista Timor tomak hahu husi 74-75 to ohin loron no familia matebian.* [Jesuino Marcal de Jesus | TAFARA.TL | Editor: Zevonia Vieira | 11.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bloku AMP Sei Hatama Mosaun Sensura Iha Plenaria Segunda Semana Oin

“Ami hateten katak ami sei elabora hela tamba ezijensia Deputadu sira nian sira vota kontra …

Leave a Reply

Your email address will not be published. Required fields are marked *