Tuesday , December 12 2017
Home / Sosial & Politika / Marí Alkatiri: Hau Hakarak Dialogu, Hakarak Inkluzaun no Insidensia Parlamentar
Sekretariu Jeral Fretilin, Dr. Marí Alkatiri halo intrevista ho jornalista sira hafoin remata enkontru ho Presidente da Republika.[Foto: Zinho MD | TAFARA.TL | 15.11.2017].

Marí Alkatiri: Hau Hakarak Dialogu, Hakarak Inkluzaun no Insidensia Parlamentar

Prezidente da Republika konvida Sekretariu Jeral Fretilin, Dr. Marí Alkatiri hodi halo dialogu, koalia relasiona ho situasuan politika ne’ebe agora dadauk say preokupasaun povu nian.

Hafoin remata enkontru ho Prezidente da Republika, ba jornalista sira Marí Alaktiri hateten katak aprezenta fila fali hakarak ne’ebe koalia iha kampanna kona ba inkluzaun no insidensia parlamentar

“Hau sempre hakarak halo dialogu, hau hakarak halo inkluzasaun no insidensia parlamentar. Balun dehan la los, la los mak ita sai tiha hanesan ne’e, se los karik ita la sai hanesan ne’e, ita mos hatene katak iha faze tinan 5 ne’e ,tranzisaun presiza duni intendimentu alargadu”, tenik Marí

Marí esklarese katak, ema hotu hanoin maioria ba governo instabilidade, se mak dehan ida ne’e? uluk hau nia maioria iha primeiru governu ne’e laos ho 35 votus, hau nia maioria ne’e kualifikadu, instabilidade la iha tamba saida, tamba sociedade ne’e mak importante, laos iha kampanna dehan buat ida seluk, sai fali deputadu vota ba buat seluk, ne’e la los maibe ba hau la iha problema.

Ba Jornalita sira Marí hateten Laos iha senariu barak, “ita hotu hatene irmão Xanana Gusmão fulan hira ona mak lao haleu deit Timor seidauk tama iha Timor, tamba ne’e ita atu halo senariu mos labele, maibe ita hein nafatin prosesu sentidu de estadu, para ita hotu bele halo senariu ida ne’e, se lae ita halo fali teatru iha senariu ida que ita la hatene saida”.

Premeiru Ministru ne’e mos afirma katak sempre buka consensus katak Fretilin manan maioria absoluta, sei halo inkluzaun no insedensia parlamentar. Balun lakohi, balun dehan hakarak halo koligasaun too ona. Ita buka estabilidade nasional, laos ita atu buka estabilidade governativa deit.

“Poder ne’e la intrega ba mai deit hanesan ne’e, buat hotu depende ba Presidente da Republika laos ba hau, se lae ita lalika halo eleisaun, ita fahe malu poder deit, halo eleisaun bolu povu ba vot, para halo saida? Povu nia vota ne’e nia fahe ba ita, primeiru nia hakarak estabilidade, segundu hakarak Fretilin mak atu lidera, ne’e mak ita la respeita fali ne’e diak liu lalika halo votasaun, halo votasaun para halo saida, sa kultura politika mak ita atu husik ba gerasaun foun, halo eleisaun depois halo golpe”, hateten Marí.* [Jesuino Marcal de Jesus | TAFARA.TL | Editor: Zevonia Vieira | 15.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Berliku Fanu Rai Realiza Konsertu Final Berliku Lian

Berliku Fanun Rai (BFR) nudar fatin aprende musika ka halao kursu muzika orchestra ba foin …

Leave a Reply

Your email address will not be published. Required fields are marked *