Thursday , November 23 2017
Home / Eleisaun Parlamentar / Mari: Povu ezizi Kualidade Ne’ebe Satisfas, Edukasaun, Saude Ne’ebe Diak Liu
Premeiru Ministru, Dr. Mari Alkatiri halo entrevista ho jornalista sira iha palacio Prezidente da Republika, Bairo-Pitte.[Foto: Zevonia Vieira | TAFARA.TL | 03.10.2017].

Mari: Povu ezizi Kualidade Ne’ebe Satisfas, Edukasaun, Saude Ne’ebe Diak Liu

Ita tenke buka dalan atu sai hosi koleng, mobiliza ita hotu nia kapasidade atu responde ba nesesidade ne’ebe urujenti liu hosi maubere no buibere sira”. Mari Alkatiri

Tomada de Posse ba membru governu hamutuk 21, ba daruak nian, halao iha Palacio Prezidente Bairo-Pitte iha loron 3/10.

Iha deskursu Premeiru Ministru, Dr. Mari Alkatiri hateten katak, hanesan promete ona iha elisaun parlamentar 2017,  katak se karik manan la hare minoria ka mayoria, maibe sei opta governu ne’ebe mais inklusivu liu , esforsu hotu-hotu halao ho sentidu ida ne’e. Kompozisaun VII Governu, tradus ona realidade ida.

Ba konvidadus tomak, Mari afirma katak povu iha direitu ba kualidade moris ne’ebe dignu liu.

“Povu ezizi kualidade ida husi ne’ebé satisfaz, husi direitu konstituisionalmente ne’ebé rekoñesidu hanesan edukasaun ne’ebe diak liu, saúde ne’ebe diak liu no asesu ba eletrisidade no bee moos ne’ebé diak liu, seguransa ai han ne’ebé diak no kompletu, no  hela fatin ne’ebé dignu liu”, esplika Mari.

Nune’e Mari hateten povu ho nia votu, hakarak hatoo ba nesesidade ho kbiit hotu-hotu, Sekarik unidade atu garante paz no estabilidade, kondisaun ne’ebe tenke iha ba susesu no ba kualker programa dezenvolvimentu.

“Ita nia povu kontinua sai vitima ba modelu moris ida hosi ekonomia subsistensia no hosi importasaun, provokadu hosi diferensia entre zona urbana sira no zona rurais sira ne’ebe ita labele aseita.  Ita tenke buka dalan atu sai hosi koleng, mobiliza ita hotu nia kapasidade atu responde ba nesesidade ne’ebe urujenti liu hosi maubere no buibere sira”, hateten Mari.

Iha fatin hanesan, Prezidente da Republika, Dr. Francisco Guterres Lú Olo liu hosi deskursu hatoo katak, esforsu ne’ebe halo ona atu buka halo dialogu no negosiasaun hatudu maturidade politika ida ne’e, fo inspirasaun ba sosiadade. Sidadaun sira sente mos katak demokrasia ne’e hakoak, demokrasi ne’e respeita ema hotu, inklui hatene ona no ahtene foti desizaun bainhira too tempu atu foti desizaun.

Lú Olo hatoo nia sentimentu haksolok ba VII Governu Konstituisional tanba hatudu faktu ne’ebe diak, “governu laos harii no labele harii atu fahe kadeit kadeira. Fahe kadeira tenke hatan ba nesesidade atu loro ema mai governu maibe ema ne’ebe rai ida ne’e presiza duni atu lao ba oin.

Hare ba iha partisipasaun feto no mane iha VII Governu, Lú Olo hakarak ajuda diferensia oportunidade entre mane no feto, iha knaar sira ho responsabilidade as liu, iha departamentu oin-oin Estadu nian, maibe asuntu ida ne’e tama iha kompetensia Konstituisional Governu nian, kompetensia ne’ebe hau rekonyese no laran tomak.

Prezidente da Republika ezizi ba VII Governo Konstituisional atu fo prioridade hanesan investe osan hosi Orsamentu Estadu, atu hasa’e kualidade ba servisu publikus hanesan hadia saude, eskolas no kualidade edukasaun, inklui rekonyese fo premiu no haforsa empenu professor sira nian, hamenus kiak lalais, harii empregu ba joven sira, diversifika ekonomia,  liu-liu turismo, hadia infrastruturas no halao governasaun transparente no moos.

Tuir Dekrete da Prezidente No.24/2017, loron 2 Outubro katak Prezidente da Republika fo posse ba membru governu hamutuk 21, ba posse daruak nian. Iha tomada de posse ba daruak nian, la marka prezensa hosi Vice Ministra Negosiu Estrangeiru, Adalzija Magno tanba sei halao fungsaun hela iha Singapora hanesan Embasadora Timor-Leste.* [Zevonia Vieira | TAFARA.TL | 03.10.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *