Thursday , November 23 2017
Home / Eleisaun Parlamentar / Mari: Xanana Halo Nia Fungsaun Serbi Estadu, Hau Respeita Ida Ne’e
Premeiru Ministru, Dr. Mari Alkatiri Halo entrevista ho jornalista sira iha Palacio Prezidente, Bairo-Pitte.* [Foto: Zevonia Vieira | TAFARA.TL | 03.10.2017].

Mari: Xanana Halo Nia Fungsaun Serbi Estadu, Hau Respeita Ida Ne’e

Iha konferensia imprensa ho jornalista sira iha Palacio Prezidente Republika, Premeiru Ministru, Dr. Mari Alkatiri hatan ba perguntas hosi TAFARA.TL, karik iha tomada de posse ba datoluk nian sei involve mos Xanana Gusmao?

Mari Alkatiri hateten katak, Xanana Gusmao durante ne’e halo nia fungsaun atu serbi Estadu.

“Hau hanoin maun boot Xanana Gusmao halo nia funsaun atu serbi Estadu, la presiza atu tama iha governu, ne’e tuir nia hakarak no hau sei respeita ida. Uluk mos hau latama iha governu, mais hau serbi Estadu entaun ida ne’e normal. Kuandu hau ba Oecusse hau serbi estadu, kuandu hau ba hamutuk ho maun Xanana ba iha Banku Mundial FMI mos serbi ba Estadu”, esplika Mari.

Mari Alkatiri mos informa ba jornalista katak Programa VII Governu Konstituisional prontu ona hodi ba aprenzeta iha Parlamentu Nasional.

“Programa prontu ona, no hau halo ona revizaun ohin. Hau hanoin liu hosi konselho Ministru sei aprova no haruka ba Parlamento. Hau iha komitementu katak programa Governu Konstituisional sei pasa iha Parlamentu Nasional”, hateten Mari.

Hatan ba perguntas hosi Media nasional seluk, relasiona ho pasta ba Turismo no Justisa nian sei tama iha posse tuir mai?

Mari hateten tanba sei buka feto atu kaer kargu ida ne’e, tan ne’e mak sei hein lai, inklui ba kargu justisa nian. Klaru tomada de posse sei to iha da toluk no laiha tan posse ba da haat nian”.

Tomada de Posse ba daruak nian tuir Dekretu da Prezidente No.24/2017, loron 2 Outubro ne’ebe publika iha Jornal da Republika, membru governu hamutuk 21 ne’ebe hetan posse.

Ministru de Estado e Ministro dos Recurso Minerais, Mariano Assanami Sabino, Ministro-Adjunto do Primeiro-Ministro para a Delimitação de Fronteiras, Hermenegildo Augusto Cabral Pereira, Ministro-Adjunto do Primeiro-Ministro para os Assuntos de Governação, Jose Maria dos Reis, Minstro da Educaçao e Cultura, Fernando Hanjam, Ministro do Petróleo, Hernani Filomena Coelho da Silva, Vice-Ministro do Desenvolvimento para Obras Públicas, Mariano Renato Monteiro da Cruz, Vice-Ministro do Dezenvolvimento para Habitação, Ordenamento e Ambiente, Abrão Gabriel Santos Oliveira, Vice-Ministro do Desenvolvimento para Transportes e Communicações, Inacio Freitas Moreira, Vice-Ministra dos Negócios Estrangeiros e Cooperação, Adaljiza Albertina Xavier Reis Magno, Vice-Ministro da Educaçao e Cultura, Jose de Jesus das Neves, Vice-Ministro da Saúde, Luis Maria Ribeiro Freitas Lobato, Vice-Ministro da Justiça, Sebastião Dias Ximenes, Vice-Ministro do Comércio e Indústria, Jacinto Gusmão, Vice-Ministro da Agricultura e Pescas, Deolindo Silva, Secretária de Estado da Igualdade do Género e Inclusão Social, Laura Menezes Lopes, Secretário de Estado da Agricultura e Pescas, Cipriano Esteves Doutel Ferreira, Secretário de Estado do Conselho de Ministro e da Comunicação Social, Matias Freitas Boavida, Secretário de Estado do Desportu e ds Promoção da Alta Competiçao, Osorio Florindo da Conceição Costa, Secretário de Estado da Juventude e do Trabalho, Nivio Leite Magalhães, Secretário de Estado dos Veteranos, Andre da Costa Belo “L4”.* [Zevonia Vieira | TAFARA.TL | 03.10.2017].

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *