Thursday , November 23 2017
Home / Eleisaun Parlamentar / Matias: Konta Ho Hau no Konstituisaun, Sei Defende Liberdade Imprensa
Secretário de Estado do Conselho de Ministro e da Comunicação Social, Matias Boavida halo entrevista ho jornalista sira iha Palacio Prezidente.[Foto: Zevonia Vieira | TAFARA.TL | 04.10.2017].

Matias: Konta Ho Hau no Konstituisaun, Sei Defende Liberdade Imprensa

Komunikasaun Sosial nia papel importante iha rai demokrasia ida ne,e atu bele fahe informasaun ba sosiadade kona ba informasaun ne’ebe povu presija hatene.

Iha VII Governu Konstituisional, iha mos Secretário de Estado ne’ebe hare ba iha asumtu  Conselho de Ministro e da Comunicação Social, ne’ebe assume hosi Matias Freitas Boavida.

Iha entrevista ho TAFARA.TL kona ba programa ne’ebe hakarak halo iha tempu badak no bele atinji, liga ho Comunicação Social, iha loron tomada de posse, 3/10, iha Palacio Prezidente Bairo-Pitte, ba TAFARA.TL Secretário de Estado do Conselho de Ministro e da Comunicação Social, Matias Freitas Boavida esplika katak, Iha Comunicação Social iha buat hat mak presiza tau nia importansia, oinsa media komunikasaun sira bele halo produsaun ne’e diak, atu nune’e ema bele fiar media sira nia produtu, oinsa bele dezemina informasaun ba populasaun tanba akontese durante ne’e media sira produs maibe ema barak ne’ebe asesu ne’e iha rai laran no la konsege dezimina ba areas rurais sira.

“Papel ne’ebe hau iha oinsa atu bele hatutan informasaun sira ne’e iha area rurais, nune’e populasaun kiik sira mos ba iha informasaun saida deit mak iha rai laran. Hau tenta halo brainstorming ho kolega jornalista sira hotu”, esplika Matias Boavida.

Hatan ba perguntas hosi TAFARA.TL liga ho liberdade imprensa, oinsa mak liu hosi kargu refere bele kaolias as kona ba servisu media nian atu bele defende nafatin liberdade imprensa?

Matias hateten katak liga ho liberdade imprensa bele konta ho parte Secretretario Estado Comunicação Social.

“Bele konta ho hau, Konstituiusan konsagra no defende liberdade imprensa, hau nia kna’ar hanesan Secretario Estadu ba Comunicação Social, oinsa liberdade kaneta nain sira , oinsa atu hakerek no konsekuensia saida deit mak mai hosi kaneta ne’e rasik, defaktu ita bele hare ida ne’e, maibe mos dever ida ne’ebe mak kaneta nain sira, jornalista sira mos tenke respeita kodigu etika ne’ebe iha”, hateten Matias.

Ho nune’e ba jornalista sira Matias Boavida hateten katak atu hasae kualidade jornalista sira nian, presiza kontinua ho formasaun sira atu bele atinji hodi sai jornalista ne’ebe professional liu.

Iha parte sorin jornalista hosi Jornal Independente, Eujebio Pereira da Silva, ho esperansa boot katak, liu hosi governu foun, kontinua nafatin hodi fo intensaun ba iha sector comunicaçao social.

“Hau iha esperasan boot katak Secretario Estadu foun, bele halo mudansa ruma atu bele halakon media sira ne’ebe la ofisial ka la legal, pruzemplu informasaun sira ne’ebe mak hoax ka falsu tenke halakon tiha, tanba ita hatene katak iha Timor, informasaun sira ne’ebe mak hoax ka falsu ne’ebe serkula iha face book, governu tenke tau atensaun atu bele halakon news falsu sira ne’e, atu nune’e publiku bele kontinua tau fiar, liu-liu ba online sira ne’ebe ofisial, jornal, radio no televisaun sira”, hateten Eujebio.

Eujibio mos informa katak, kapasitasaun ba jornalista sira mos importante, tanba rekursu ne’ebe iha sedauk sufsiente, ho nune’e presiza treinamentu hodi bele aumenta jornalista sira nia kapasidade no konyesementu iha area jurnalismo

Tuir planu ne’ebe mak Secretario Estado Matias prepara katak, sei halao enkontru ho jornalista, asosiasaun jornalista no Konselho Imprensa atu bele hare hamutuk saida mak merese atu bele halo hodi kontribui ba media iha Timor-Leste.* [Zevonia Vieira | TAFARA.TL | 04.10.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *