Thursday , November 23 2017
Home / Sosial & Politika / Membru APFTL Hetan Formasaun Sai Treinador LSBE
Membru Alumni Parlamentu Foinsa’e Timor-Leste rona hela esplikasaun husi Fasilitador konaba material LSB [Life Skills Based Education].[Foto: Yane Maya | TAFARA.TL | 05.06.2017].

Membru APFTL Hetan Formasaun Sai Treinador LSBE

Membru APFTL hetan Training of Trainer LSBE (Life Skills Based Education). No konsidera katak LSBE sai nu’udar xave ida hodi transforma joven ida ba sai joven ne’ebé iha valor ba moris.

Treinamentu ba Treinador (Training of Trainer ka ToT) sira ne’ebé hala’o ba membru APFTL hamutuk 35 no foinsae kona ba LSBE atu membru APFTL iha sai treinador kona ba LSBE, hodi kontinua fahe fila fali ba Joven sira seluk. Treinamentu ne’e halao iha loron rua nia laran, hosi 5 – 9 Junu 2017, iha UN House, Caicoli, Dili. Iha treinamentu ne’e fasilitador LSBE hatete katak APFTL iha lideransa ne’ebé preparadu ona, nune’e amenta tan ho LSBE hodi sira bele kontinua habelar ba joven sira seluk.

“ToT ba Joven sira liu liu APFTL, tanba sira lideransa ida ne’ebe ke preparadu ona atu nune’e ita bele fasilita tan sira ho material LSBE (Life Skills Based Education). Atu nune’e sira bele sai joven ida ne’ebe ke ho lideransa maduru, atu sira bele haklaken, sira bele hato’o ou habelar ba sira nia maluk joven sira ne’ebe otas hanesan ho sira atu bele kaer sira nia valores ka konvikasaun. Material ida ne’e nia objetivu ne’ebe klaru, atu transnforma ema humanu atu sai joven ida nebe iha valor pozitivu ba moris,”Jose do Carmo Pinto, nudar Fasilitador ba ToT LSBE hatete.

Nia hatutan mos katak labele besik deit ba joven sira ne’ebé diak maibe hakbesik an ba hirak ne’ebe moris iha risku nia laran.

“Labele buka deit mak ema nebe diak ona, ita buka mak ida ne’e deit, maibe ema nebe ke iha risku ita haluha tiha, tan nee mak justru sira ne’ebe iha risku ne mak ita nia alvu ita nia belun atu ita hakbesik an ba sira,” Fasilitador ne’e hatete.

Iha parte seluk tuir Cesarino Goncalves nu’udar membru APFTL ne’ebé tuir treinamentu ne’e senti katak formasaun ne’e esensial tebes. Nia hatete, “hau senti katak formasaun ne’e esensial tebtebes no esensial liu ba hau nebe mak prepara an hela atu sai nu’udar fasilitador. Tanba material LSBE ne’e katak atu istuda ita nia karakter sira ne’ebe mak dala barak nu’udar lideransa ida halao nia papel ne’e boot. Maibe ita nia karakter kikoan sira, ex.komprende ema aeluk nia sentimentu, empatia ba ema seluk, halo komunikasaun diak, tanba ne’e maka liu husi material LSBE ida ne’e hanesan reflesaun ida ba ema ida-idak nia an. Nune’e, wainhira nia sai ba sosiedade nia bele sai servidor Ida ne’ebe mak diak ho espiritu ida ke bele servi ema ho vontade tomak no empatia. Nune’e mos nia bele komunika ho ema nebe ho komunikasaun mak asertivu no bele atrai ema seluk nia hakarak hodi bele tuir nia, hodi bele halo asaun pozitivu ba nasaun doben timor-leste.”

Iha módulu 1-5 ne’ebé sei fo ba partisipantes sira, modulu 1 to 5 nee’e kolia liu kona ba oinsa atu sira trasnforma sira nia karakter moris nian no sei kompleta modulu tolu ne’ebe kolia kona ba: KresimentuDroga no HIV/AIDS.

Atividade ne’e suporta husi Unicef no servisu hamutuk ho Alumni Parlamentu Foinsa’e Timor-Leste, hafoin treinamentu Treinador hirak ne’e sei kotinua fo treinaentu ba joven sira seluk ne’ebe mak sei identifika husi APFTL ho kontinuasaun suporta husi UNICEF. Atividade sei hala’o durante loron lima hahú dia 5-9 de Juñu 2017.* [Yane Maya | TAFARA.TL | 05.06.2017].

About Yane Elfrida Maia

Check Also

SEKRETARIADU APF, FAHE INFORMASAUN BA AKADEMISTA KONA BA ASEAN

Sekretariadu ASEAN People Forum (APF) Timor-Leste hala’o sosializasaun ba akademista sira hodi hatene saida mak …

Leave a Reply

Your email address will not be published. Required fields are marked *