Thursday , November 23 2017
Home / Eleisaun Parlamentar / Membru Governu Feto rua, Mane Rua Sei Hetan Posse Hodi Kompleta VII Governu
Membru Governu sira hasai foto hamutuk iha palacio Prezidente. [Foto: Zevonia Vieira | TAFARA.TL | 13.10.2017].

Membru Governu Feto rua, Mane Rua Sei Hetan Posse Hodi Kompleta VII Governu

Lista ba membro governu ne’ebe sei hetan tomada de posse ba datoluk nian, ne’ebe mak Premeiru Ministru, Dr. Mari Alkatiri entrega ba Prezidente da Republika, mak hanesan Ministra de Justiça, Maria Ângela Guterres Viegas Carrascalão, Ministro de Turismo, Manuel Florêncio da Canossa Vong, Vice-Ministra do Plano e Finanças, Sara Lobo Brites no Vice-Ministro de Turismo Rui Meneses da Costa.

Liu lista membru governu ne’ebe Premeiru Ministru entrega, Prezidente da Republika hasai Dekretu Prezidente no.71/2017 loron 12 Outubro, no Prezidente da Republika, Dr. Francisco Guterres Lú Olo , ezerse nia komptensia tuir artigu 106 no 2 Konstituisaun RDTL , hodi nomeia Ministru no Vise Ministru.

Tomada de posse ba dala ikus nian hamutuk nain 4, feto 2 no mane 2. Total geral membru governu ba VII Governu Konstituisional hamutuk 36.

TAFARA.TL dada lia ho comunidade iha Bairo pitte, Florentina Batista (35), hateten katak, hakarak mak povu nia diak deit, se líder sira iha interesse ba povu kiik sira, entaun tenke halo servisu ho diak.

“Hanesan feto hakarak moris hakmatek, ita iha ona membro governu foun, espera servisu ho didiak no bee hare netik buat sira ne’ebe durante lao sedauk los. Importante mak ami bele moris hakmatek”, tenik Florentina.

Iha parte sorin Alberto Martins (46), ba TAFARA.TL hateten katak espera ho governu foun  ida ne’e, bele hare netik mudança ne’ebe diak ba iha ema hotu nian moris.

“Hau la husu buat barak, importante bele governu ida ne’ebe bele halo mudança ne’ebe diak liu tuir saída mak sira promete ona liu hosi kampanna. Votus ne’ebe ita fo ne’e mos tanba ita hakarak fo fiar, ne’ebe labele haluha no labele hanoin deita mi iha tempu kampanna, maibe tenke implementa duni tanba imi hadomi povu”, hateten Alberto.

Tuir agenda ne’ebe iha, Prezidente-da-Repúblika  sei fó  tomada-de-posse ba membru foun ba VII Governu Konstitusionál iha 17/10 ,  iha Palásiu Prezidente Nicolau Lobato, Bairro Pite, Dili.* [Zevonia Vieira | TAFARA.TL | 13.10.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *