Tuesday , December 12 2017
Home / Sosial & Politika / Ministru Somotxo Apela Ba Povu Tomak Hodi Hakmatek Nafatin
Ministru Defeza no Seguransa José Agostinho Siquera “Somotxo” dada lia ho jornalista sira hafoin remata hasoru malu ho Presidente da Repblika.[Foto: Media Presidente].

Ministru Somotxo Apela Ba Povu Tomak Hodi Hakmatek Nafatin

Xefe Estadu Maior Jeneral F-FDTL, Lere Anan Timur,  Ministro de Defesa e Seguransa, Agustinho Sequeira Somotxo no Prezidente Parlamentu Nasional, Aniceto Guterres Lopes hasoru malu ho Prezidente da Republika hodi informa situasaun jeral iha teritorio tomak.

Hafoin remata enkontu ho Prezidente da Republika, Ministru Somotxo esplika ba jornalista katak hodi apela ba joven sira, populasaun tomak, ba veteranus, ba polítiku tomak para atu hotu-hotu kontribui ba situasaun ne’e atu la’o di’ak.

“Ita lakoi ona atu hanesan lori ita nia sasan fo’er sira ne’e tun sa’e, ne’e mak ha’u apela nafatin ba populasaun tomak, ba povu Timor-Leste tomak, ba Forsas Armadas, ba PNTL hotu hakmatek. Só kuandu ordem, sai ba problema sira ne’ebé hanesan tuda malu, baku malu, atu sai ba intervem, ordem ne’e tenke sai husi nia komandu, ida-idak nia komandu,” hateten Somotxo iha Palasiu Prezidente Dili, 22/11.

Somotxo mos esplika katak orsamentu retifikativu la aprova mak instituisaun rua F-FDTL no PNTL sei la halo funsionamentu  24 horas, tanba estadu ida tenki iha hahan, tenke iha kareta, tenke iha mina maibé deputadu sira  husik hela hanesan ne’e.

Iha sorin seluk, Major Jeneral Lere Anan Timur hateten husi parte F-FDTL sei marka prezensa iha selebrasaun loron Independensia Timor-Leste, 28 Novembro iha Suai maske iha inkondisoens barak.

“Ha’u informa de’it ba Prezidente Repúblika kona-ba ami nia partisipasaun ba 28 de Novembro, dia da Independensia Unilaterál ne’ebé sei hala’o iha Suai. Ha’u informa prezidente katak, apartir horseik forsa komesa movimentu ona ba Suai, um batalhão menus, que ita bele konta, 300 ou 400 homens ne’ebé sei ba halo guarda de honra da parada militar iha Suai ne’ebá. Aprezenta mós difikuldade sira ne’ebé que ami hasoru. Primeiru kona-ba transporte, transporte la to’o atu tula ita nia forsa sira ba Suai entaun tenki aluga, viaturas civis besik 20 e tal atu bele lori batalhão ida ba Suai”, tenik Lere Anan Timur.

Lere mós realsa liu tán kona-ba situasaun jerál iha Timo-Leste, situasaun kontinua hakmatek, apesar iha insidentes ka konfrontus entre indivu, grupus iha Díli, iha fati-fatin, balun mate, balun kanek ne’e krime. Krime ne’e responsabilidade PNTL ninian. Em gerál situasaun di’ak hela, maske situasaun polítika mak ladun di’ak, tanba iha intereses barak, ne’e normál tanba ida ne’e mak polítika.* [Maria do Ceu | TAFARA.TL | Editor:  Zevonia Vieira | 22.11.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Tinan 42 Selebra Independensia, Komunidade Suai Iha Esperansa Dezenvolve Baze Ho Kualidade

“Estadu Timor ida ne’e, sei sai estadu Timor ida ne’ebé di’ak liu  ida ne’ebé mak …

Leave a Reply

Your email address will not be published. Required fields are marked *