Thursday , November 23 2017
Home / Eleisaun Parlamentar / Nivio: Presiza Muda Imazen Juventude, Prepara Juventude Ne’ebe Kualifikadu
Secretário de Estado da Juventude e do Trabalho, Nivio Leite Magalhães halo entrevista ho jornalista sira iha Palacio Prezidente da Republika.[Foto: Zevonia Vieira | TAFARA.TL | 04.10.2017].

Nivio: Presiza Muda Imazen Juventude, Prepara Juventude Ne’ebe Kualifikadu

Asumtu joventude sai nudar asumtu importante iha rai ne’ebe foin ukun iha tinan 1999, liu hosi konsulta popular. Tama ona tinan 10 liu, Timor-Leste forma nia povu hodi kontinua dezenvolve nasaun ne’e ho diak liutan, maibe iha sei problema balun ne’ebe presiza responde sedu mak problea juventudu.

Secretário de Estado da Juventude e do Trabalho, Nivio Leite Magalhães ne’ebe hetan tomada de posse, hosi Prezidente da Republika, Dr. Francisco Guterres Lú Olo, iha loron 3/10, ba TAFARA.TL hateten katak atu atijin objetivu hodi resolve problema ne’eb juventude sira hasoru mak tenke prepara juventude sira ne’ebe kualifikadu, loke kampu de trabalho ba juventude sira no oinsa atu muda imajen juventude sira ne’ebe dala barak ema dehan sempre halo problema.

“Presiza muda imajen joven sira nian ne’ebe dala barak ema sempre dehan juventude sira mak gosta kria problema no kria instabilidade. Ho nune’e liu hosi VII Governu ida ne’e, ami sei halo esforsu hodi muda imajen ida ne’e no hatudu katak juventude sei sai parte hosi solusaun ba problema sira ne’ebe iha, oinsa atu kontribui ba dezenvolvimentu, paz no estabilidade”, hateten Nivio.

Nivio informa katak juventude mak future ba nasaun ida ne’e, tenke prepara juventude ho didiak, ho kualifikadu, juventude ida ne’ebe iha sentidu nasionalismu atu nune’e bele kontribui ba rai ne’e ho diak.

Nivio Magalhaes afirma katak VII Governo Konstituisional fiar an katak sei bele implementa program juventude ho diak no sei hetan rezultadu diak.

Nudar se otas joven, Ba TAFARA.TL Nivio Magalhaes hateten katak, sei kaer kargu ida ne’e ho responsabilidade no disiplina, tuir juramentu katak prontu atu serbi rai ida ne’e, lori rai ida ne’e ba oin ho diak no tuir duni aspirasaun juventude Timor-Leste.

Joventude Bairo-Pitte, Amancio De Arujo (31), bainhira dadalia ho TAFARA.TL iha Bairo-Pitte, hateten katak, problema ne’ebe joventude sira hasoru barak mak seidauk resolve ho diak, barak mak sei uza dalan violensia hodi estgara malu.

“Hanesan joven dala barak nota katak problema ne’ebe joven sira hasoru barak seidauk responde ho diak, presiza duni antensaun hosi governu atu bele fo imajen diak. Hau rasik to agora sedauk iha servisu, tanba iha tempu agora susar duni hodi asesu servisu, tanba dala barak ema uza deit “aman sarani” hodi hetan servisu. Ida ne’e impede ami sira ne’ebe laiha ema iha instituisaun sira, entaun dala barak ami la susesu hodi hetan servisu”, hateten Amancio.

Amancio espera katak votus ne’ebe sira fo liu hosi elisaun hatudu duni valor boot sira, tanba votus ne’ebe fo ona partidu sira ne’e iha valor boot, espera ukun nain sira respeita votus ne’ebe fo no responde duni saida mak povu ezizi.* [Zevonia Vieira | TAFARA.TL | 04.10.2017].

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *