Thursday , November 23 2017
Home / Sosial & Politika / PM Marí ALkatiri Sai Orador Iha Konferensia Internasional Iha Australia
Preimeiru Ministru halo konferensia imprensa ho Jornalista sira hodi esplika viagen PM nian ba Australia.[Foto: Zinho MD | TAFARA.TL | 01.11.2017].

PM Marí ALkatiri Sai Orador Iha Konferensia Internasional Iha Australia

Premeiru Ministru, Dr. Marí Alkatiri, sei sai orador iha konferensia internasional iha nasaun vijinhu Australia. Liu hosi konferensia imprensa, iha salao VIP, Aero Portu, Prezidente Nicolau Lobato, Comoro Dili, ba jornalista sira hateten katak, Premeiru Ministru hetan konvite hosi governu Australia hodi sai orador, hodi koalia asumtu ekonomika.

“Hau nia viagen ba Australia, Perth ba konferensia ida ekonomika, simu konvite husi organizadores sira, simu mos simpatia husi governo Australiano, atu bele deskuti kopersaun ekonomika. Instituisaun boot ida mak organiza, instituisaun ida que sira nia fundu ida $.65 Miliar dollar, atu investa iha area ita nian, laos ba Timor-Leste deit. Ba para atu estuda halo nusa maka ita Timor-Leste mos bele hetan investimentu ida ne’e”, esplika Marí Alkatiri.

Iha konferensia internasional ne’e rasik Premeiru Minsitru sei sai orador, hodi koalia asuntu kona ba Potensialidade Investimentu iha Timor-Leste iha Seitor Gas, Petroleo, Turismu no Agrikultura.

Liu hosi konferensia imprensa, iha loron 1/11, Marí Alkatiri esplika katak iha ona akordu ba Fronteira Maritima, Timor Presiza iha kapasidade hodi proteze no defende fronteira, hodi nune’e labele husik ema sira mai naok riku soin Timor nian.

“Hau la ba halo negosiasaun Fronteira, ne’e halo dadauk ona, rezultadu iha ona irmao Xanana Gusmão no Ministro Agio Pereira maka halao to agora ho sira nia ekipa. Hau la ba tau hau nia an iha ne’eba (ho lian Indonesia, hau la ba campur tangan iha ne’eba), saida mak hau halo, buka halo nusa maka ita hetan ona ita nia Fronteira. Ita atu defende fronteira ne’e, hetan fronteira mak ita la iha kapasidade defende fronteira mos la signifikante. Ita hetan fronteira, ita tenke defende fronteira ne’e mak hau nia funsaun”, hateten Marí.

Tuir agenda ne’ebe iha, Primeiru Ministru VII Governo Konstituisional ho ekipa tomak, sei halo visita ba fatin prosesu produsaun ba Ro’o ne’ebe sei fornese husi Estado Australia ba Timor-Leste.

Iha konferensia ida ne’e sei hetan Partisipasaun husi Primeiru Ministru Australia, Malcolm Turnbull, Presidente Republika Federal Alemanha, Frank-Steinmeier no Ministru Financas Australia, Ministru Negociu Estrangeiru Husi Singapura, Ministru Negociu Estrangeiru Australia no sira seluk tan.

Husi viagen ida ne’e hetan akompanhamentu husi Ministru Estado no Ministru Agrikultura no Peskas, Estanislau da Silva, Ministru Adjunto ba Primeiru Ministru Delimitasaun Fronteira, Agio Pereira, no Embaisador Timor-Leste ba Australia, Abel  Guterres, no Xefi Gabinete ba Primeiru Ministru, Nelson Santos.* [Jesuino Marcal de Jesus | TAFARA.TL | Editor: Zevonia Vieira | 01.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bloku AMP Sei Hatama Mosaun Sensura Iha Plenaria Segunda Semana Oin

“Ami hateten katak ami sei elabora hela tamba ezijensia Deputadu sira nian sira vota kontra …

One comment

  1. Boa viagem PM Dr.Mari Bin Amude Alkatiri ho ekipa tomak.

    Atan hau hato’o boa viagem tamba iha sentidu ida katak, mesmo situasaun politika rai laran ladun kondusivo maibe PM ho ekipa kontinua esforsu a’an atu fo atendimentu global hodi nesesita necesidade povu Timor Leste ninian.

    Mesmo kondisaun politika rai laran la kondusivo ho atetude politika rezisaun no kontra programa VII governo konstituisional, maibe sentidu hanesan governo mesmo minoria maibe fuan bo’ot atu tau interese maior ba neceidade povu ninian.

    Atan hau louva no apresia desijaun politika PM Dr. Mari Bin Amude Alkatiri ninian…..tau interese nasional a’as liu maibe la hetan apresiasaun so iha maka derota interese partidaria no grupoismo.

    Mesmo laiha apresiasaun nasional maibe konsistensi atu tau interese nasional a’as liu husi apoio relasaun bilateral. Tamba sa??

    Ho rajaun artu haburas no kria amizade entre nasaun vizinho Australia tenki hatur duni politika interese regiaun ninian.
    Iha parte seluk realidade hatudu momos katak iha konflitu zona maritim exclusivo TL-AUS.

    Hare ba kontekstu ida ne’e atan hau hato’o previleju ida bo’ot ba PM Dr. Mari Bin Amude Alkatiri.

    Rahun diak no saudasaun kondusivo politika ida diak ba povu. Ami .. fiar.. ami apresia….ami laran metin no sei la duvidas ba politika MBXG, MTMR, CMA, CL no LAT.

Leave a Reply

Your email address will not be published. Required fields are marked *