Tuesday , December 12 2017
Home / Sosial & Politika / PM Marí La Tolera Funsionariu Publiku Halo Politika Iha Servisu Fatin
Primeiru Ministru Dr. Marí Bin Amudi Alkatiri. [Foto: Fan Page Gabinete do Primeiro-Ministro].

PM Marí La Tolera Funsionariu Publiku Halo Politika Iha Servisu Fatin

Primeriu Ministru Dr. Marí Bin Amudi Alkatiri fó pose ba Komisariu Komisaun Funsaun Públika, António Freitas hodi hakna’ar an nu’udar Komisariu ba Funsaun Diciplina nian.

Iha diskursu Primeriu Minstru ba VII Governo Konstituisionál ne’e hateten, wainhira deside harii funsaun públika, deside ho intensaun ida, atu dispolitiza Funsaun Públika.

“Ha’u la fó dalan para funsionariu sira atu halo fali polítika wainhira sira servisu hanesan funsionariu públiku, objetivu ida ne’e hatudu mai ita interese estadu ida nian, atu labele konfundi servisu estadu nian ho polítika grupu ida-idak nian,” tenik Marí iha Palacio do Governo, Dili 20/11.

Marí mós hatutan katak misaun funsaun públika nian ne’e servisu boot ida hodi implementa polítika ne’e, iha sorin fali misaun Funsaun Públika tenki garante kualidade funsaun públika nian.

Iha diskuru agradesimentu husi emposadu António Freitas, hateten sei servi estadu ida ne’e ho imprasialidade no transparensia.

“Hamri’ik iha ne’e atu servi ba maquina estadu e ha’u sei hatudu ha’u nia dedikasaun imparsialidade, trasparensia ba desizaun no servi ba maquina estadu nian. Desizaun hotu-hotu tenki bazeia ba lei ne’eb’e que eziste atu regula instrumentu maquina estadu ninian,”hateten Freitas.

Komisariu ne’e mós salient liu tán desempenha funsaun ho profesionalidade, la halis ba grupu ida e iha desizaun ida labele racista kondisoens hotu-hotu iha prosesu funsionamentu maquina estadu ninian no nia sei koopera hamutuk ho autoridade hotu-hotu hodi hala’o misaun ne’e ho di’ak.

Emposadu António Freitas hatutan kna’ar husi veterana Olandina Caeiro ne’ebé mak uluk hakna’ar an hanesan Komisaria Disiplinario maibé ohin loron ka’er pasta nu’udar ambaixadora Timor-Leste nian iha Malasya.

Iha serimónia ne’e hetan partisipasaun husi Prezidente Komisaun Funsaun Públika, Faustino Cardoso , atual membru governo no jornalista sira.* [Maria do Ceu | TAFARA.TL | Editor: Zevonia Vieira | 20.11.2017].

 

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Tinan 42 Selebra Independensia, Komunidade Suai Iha Esperansa Dezenvolve Baze Ho Kualidade

“Estadu Timor ida ne’e, sei sai estadu Timor ida ne’ebé di’ak liu  ida ne’ebé mak …

Leave a Reply

Your email address will not be published. Required fields are marked *