Thursday , November 23 2017
Home / Sosial & Politika / Polisia Imigrasaun Ho SEJT PASA REVISTA Dokumentu Trabalhadores Estranjeirus
Secretariu Estadu Juventude e Trabalhador, Nivio Magalhaes hamutuk ho ekipa Polisia Imigrasaun Halo Inspeksaun ba Ema Estranjeirus. [Foto: Bebiana Soares | 07.11.2017

Polisia Imigrasaun Ho SEJT PASA REVISTA Dokumentu Trabalhadores Estranjeirus

“Servisu balu ne’ebe lolos Timoroan bele halo maibe ema estranjeiru sira mak halo fali. Estranjeiru balun mai ho vistu turista maibe ba servisu fali iha ne’e”. Nivio Magalahaes

Polisia Imigrasaun ho Secretaria Estadu Juventude e Trabalho halo inspeksaun pasa revista ba trabalhadores estrangeiru sira iha Bebora Katedral no Timor Plaza

Ba jornarlista sira, Inspector Geral do Trabalho, Aniceto Letesorus esplika katak servisu inspensaun ne’e hare liu konaba trabalhadores estranjeirus nia dokumentus hanesan Pasaporte no haree mos ba trabalahadores Timor oan sira, ne’ebe mak halo servisu hamutuk ho estranjeiru sira, liuliu sira nia kontratu servisu,no haree mos ba servisu saida mak sira halo.

Aniceto informa liutan katak inspeksaun ne’ebe halao hamutuk ho SEJT, hodi nune’e husi parte governu nian mos bele haree direitamente, hodi bele foti desizaun politika hodi minimiza servisu balun ne’ebe mak Timor oan bele halo, tanba too agora ema estranjeiru mak halo.

Prezensa secretaria estadu nian oinsa atu foti desijaun politika, atu haree futuru joven Timor oan sira nia kualifikasaun, atu prense merkadu ne’ebe mak ema estranjeiru sira prense hela”, hateten Aniceto.

Inspektur Geral ne’e esplika katak ida ne’e mos hanesan servisu ne’ebe anualmente sira halo hamutuk ho ministeriu relevante, ne’ebe mak tutela ba area estranjeirus nian, atu bele asegura katak ema hotu ne’ebe mak servisu iha teriotoriu nasional tenke servisu ho dokumentu ne’ebe mak apropriadu, servisu ho legal, servisu tuir nia kbit no kompetensia ne’ebe maka Lei haktuir.

Iha fatin hanesan Xefe Operasaun ba Servisu Imigrasaun, Fortunato Fausto Guterres haktuir katak objetivu husi Inspeksaun konjuntu refere, ne’ebe mak halao hanesan servisu ida ne’ebe kada tinan sempre halo. Halao ona iha Hotelaria no loja sira ne’ebe mak iha no parte hotu ne’ebe mak lao hamutuk.

Xefe imigrasaun ne’e mos deklara sansaun hirak ne’ebe mak iha lamentu ba trablhadores estranjeirus ne’ebe mak halo servisu, la tuir regulamentu ne’ebe mak iha, se hetan sansaun tuir lei ne’ebe mak vigora.

Karik estranzeiru ne’ebe mak laiha dokumentus, mak nia sei hetan sansaun ba ema ne’ebe halo servisu no ema ne’e be fo servisu rua ne’e kona hotu, ema ne’ebe halo servisu sei aplika pena ou hetan infrasaun $250.00 bele to $500.00, ida ne’ebe mak fo servisu sei aplika $ 500.00 to $150.00, kada ema ida. Ita sei identifika sira no aplika sansaun ba sira tuir presedementu administrativu,” deklara Xefe Operasaun.

Xefe Operasaun ne’e mos konfesa katak servisu imigrasaun sempre halo inspeksaun rutinu, aplika sansaun infrasaun ba ema estrajeru se deit, husi rai ne’ebe deit, halo atividade profisional la ho autorizasaun legal, tuir estatikamente ne’ebe mak aktualiza tiha ona prova duni katak tenke aplika duni sansaun ba sira.

Secretario Estadu Juventude e Trabalhodor [SEJT] Nivio Leite Magalhaes ba Jornalista, iha fatin refere 7/11 hateten inspeksaun ne’e sei kontinua tanba ne’e servisu husi parte Inspeksaun Geral nian no sei servisu hamutuk ho parte imigrasaun no parte relevante seluk.

Ita hatene katak preokupasaun barak iha ita nia komunidade husi mos deputadu sira iha parlamentu nasional, hatete katak servisu balu ne’ebe lolos Timoroan bele halo maibe ema estranjeiru sira mak halo fali. Estranjeiru balun mai ho vistu turista maibe ba servisu fali iha ne’e, tanba ne’e mak inspeksaun ida ne’e sei kontinua no sei envolve tan ministeiru sira seluk tan hanesan Ministeriu Finansas, MCIA atu hamutuk iha lina ministerial ida atu nune’e bela asegura katak Lei ne’ebe iha, iha duni implementasaundehan Nivio.

Nivio mos informa katak SEJT sei halo servisu sira ne’e ba to iha municipiu tanba laos akontese iha Dili deit no sei iha mos inspeksaun seluk, sei ba haree mos trablahador Xina sira ne’ebe mak iha loja sira no kontratu trabalhador sira nian.*[Bebiana Soares |Editor: Zevonina Vieira | 08.11.2017]

 

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

INDMO Realiza Sertame ba Sentru Formasaun Publiku no Privadu

Institutu Nasional Dezenvolvimentu Mão de Obra (INDMO) loke sertame ba Sentru Formasain Publiku no Privadu. …

2 comments

  1. 1 ne mak los.. tnq halo hansa ne duni selae ema stangeiro mai ita nia rain ho visa turista e dpoia sira hela konforme sira nia hkrk.. sira business mos tuir sira nia hkrk hanesan fli timor ne laiha Lei 1.. wainhira ita ba ema nia rai ita atu halo deit buat 1 mos labele kuandubuja viza turista.. sira mai iha ne balu faan sate.. baku faan gorengan balu suku sapatu.. namdigas.. ne laos propinsi ona.. ne nasaun se uluk sei propinsi ne oinseluk.. e liu2 mak husi MCIA ho ministerio financa tnq hare wainhira ema 1 atu mai loke nia business iha tinmor pelumenus tnq iha capital nebe $1 milliaun ba leten.. labele balu mai ho modal $1000 deit mos bele loke kios kiik 1 mos naran fo licenca deit. Ne hadau cidadaun Timor nia dereito.. investor iha nasaun nebe deit nunka mai ho capital kiik.. agora ita hare dili lrn ne ou kuaze timor laran ne ema mesak oin2 deit mak loke faan martabak ba lalos..faan nasi goreng.. balu mai fali loke warung kiik iha largo neba.. ne kontra lei ga lae mais ou menus..?

  2. Evangelino de Jesus Fatima

    Keta haluha mos Xineza sira agora kunesidu ho naran Xinjang nee oinsa atu resolve? Ne sei komplikadu liu tan. Catatan ba SEJT ho Imigrasaun. Labele hare deit ba trabalhadores estrangeiros maibe ema estranjeiros domina kampo iha merkadoria nee sira tama mai iha Timor-Leste liu hosi prosedimentu ka lae? Prienxe kriteria hosi Lei Imigrasaun ho Lei Investimentu ka lae? See mak fasilita? Presiza explora halo klean.

Leave a Reply

Your email address will not be published. Required fields are marked *