Thursday , November 23 2017
Home / Eleisaun Parlamentar / Premeiru Ministru Entrega Lista Membru Governu Ba Prezidente Da Republika
Dr. Mari Alkatiri hasoru malu ho Prezidente Republika Dr. Franscisco Gutteres Lú-Olo. [Foto: Zevonia Vieira |TAFARA.TL | 28.09.2017].

Premeiru Ministru Entrega Lista Membru Governu Ba Prezidente Da Republika

“Povu nia votu ne’e atu hatudu mai ita katak, povu nia hakarak ita hotu tenke hamutuk. Tanba ne’e hau respeita nafatin”, hateten Mari Alkatiri.

Premeiru Ministru, Dr Mari Alkatiri entrega lista membru governu ba segundu faze ba Prezidente da Republika.

Hafoin remata enkontru ho Prezidente da Republika, ba jornalista sira iha Palacio Prezidente, Bairo-pitte, loron 28/09. Mari Alkatiri hateten lista membru governu entrega ona, no publiku hein deit.

“Ami entrega lista ona, no Prezidente dehan se segunda la fo posse entaun tersa ne’e tenke fo posse ona, ida ne’e konfirmadu ona”, esplika Mari.

Bainhira jornalista TAFARA.TL husu liga kontinuasaun ba negosiasaun hodi servisu hamutuk iha inkluzaun ba iha VII Governu Konstituisional.

Premeiru Ministru esplika katak hanesan partidu politika sira iha durante kampanna, lori politika ida atu hakuak ema hotu.

“Hau hanoin kuandu ita halo politika ida, ita lori ba kampanna, dehan hakuak ema hotu, ita labele halai sai fali hosi ita nia politika ida ne’e. Ita tenke konsistensia hodi lori nafatin politika ne’e ba oin, tanba ida ne’e duni mak povu hakarak. Povu nia votu ne’e atu hatudu mai ita katak, povu nia hakarak ita hotu tenke hamutuk. Tanba ne’e hau respeita nafatin”, hateten Mari Alkatiri.

Tuir esplikasaun hosi Mari Alkatiri kona lista governu ne’ebe sedauk kompletu, laos tanba ema laiha, maibe politika nia hakarak hakuak ema hotu. Lista membru governu ne’ebe ohin loron entrega uha 12 ka 15 ne’ebe entrega ba Prezidente da Republika, Dr. Francisco Guterres Lú Olo.

Hatan ba perguntas hosi media nasional sira seluk kona ba lista membru governu mos inklui hosi partidu CNRT no PLP?

Mari afirma katak iha lista laran inklui membru governu hosi CNRT, PLP no Indenpende mos iha, maibe kuandu tama ona iha Governu, laiha ona Fretilin, laiha PLP, laiha CNRT, laiha PD tanba sira nee hotu membrus governu.

Premeiru Minsitru mos informa ba jornalista sira katak sei kontinua halo negosiasaun ho lider partidu sira atu bele servisu hamutuk iha VII Governu tuir komprimisiu iha kampanna eleitoral.

Mari Alkatiri hateten katak Xanaa Gusmao agora halo hela servisu importante iha rai liur, maibe kontinua halo hela kontaktu ho membru CNRT ka lider CNRT sira no ho Taur Matan Ruak, sempre kontaktu malu liu hosi telefone no SMS no to ohin loron laiha problema

Iha parte sorin, Xefe Casa Sivil Francisco Maria de Vasconselos ba hatan ba perguntas hosi TAFARA.TL liga ho enkontru entre Prezidente da Republika ho Premeiru Minsitru, Francisco Maria de Vasconselos informa katak Prezidente da Republika sei halo dekretu ba nomeasaun sira ne’e no Prezidente husu para kompleta lista membru governu ho didiak, atu nune’e bele halo dezenvolvimentu diak liutan ba Timor-Leste.* [Zevonia Vieira | TAFARA.TL | 28.07.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *