Tuesday , December 12 2017
Home / Sosial & Politika / Prezidente CI: Media Online Politika Timor Publika Nutisia Falsu
Konferensia imprensa CI ninian konaba lalaok media Timor-Leste [Foto: www.conselhoimprensa.tl].

Prezidente CI: Media Online Politika Timor Publika Nutisia Falsu

Fake news ka nutisia falsu sai nudar informasun ne’ebe mak hamosu intensaun konflitu iha situasaun kampanna politika no elisuan parlamentar. Fake news publika informasaun ne’ebe fitivu.

Prezidente Conselho Imprensa (CI), Virgillio Guterres ba jornalista sira esplika katak Fake news ka nutisia falsu ne’ebe agora sai atensaun seriu.

“Iha meus komunikasaun online ida, nia kontiudu bazea ba faktus ne’ebe fiktif ka fitivu mak media online Politika Timor Blogspot.org. Nutisia ne’ebe tun hosi media Politika Timor ne’e, ema hakerek ho struktura news ne’ebe diak, maibe dadus no faktus ne’ebe hakerek, mesak imajinativu, katak lider sira la halo deklarasaun hanesan nutisia ne’ebe hakerek,” esplika Prezidente CI.

Ho nune’e Prezidente Virgillio Guterres deklara katak, tuir analisa hosi CI hatudu katak Media Online Timor Politika hatun informasaun ne’ebe mak falsu. CI hatudu ezemplu ida, iha 23 de Junhu blog Politika Timor mosu ho titlu ida, “TMR la Ukun sei mosu funu. Xanana: Atu funu ho se? no news 23 de Junhu, nutisia kona ba Je Reis: “Fretilin ukun sei trava AMP nia Tusan, Xanana: Tau naran ba PM para komprende.

Tuir CI nia harek katak kontiudu hosi nutisia ne’ebe publika tuir duni struktura maibe nutisia falsu tanba la bazea ba fontes ne’ebe lolos.

“Kona ba fake news, hau hanoin iha kedas hahu, iha nutisia balun ne’ebe manas, buat ne’ebe CI preokupa mak, nutisia falsu ne’e sai referensia ba media sira atu kestiona lider partidu politiku sira, buat ne’ebe bele hamosu tensaun ne’ebe la nesesariu entre ita nia lider sira,” hateten Prezidente CI.

Ho situasaun ne’ebe akontese CI preokupa ho informasaun falsu sira ne’e, tanba bele kria konflitu entre lider partidu sira. CI ezizi ba media sira atu banati tuir kodigu etika jurnalista ne’ebe iha atu nafatin publika informasaun ne’ebe lolos.

“Ami hakarak fo hanoin ba media sira, iha semana ikus liu ne’e no ba oin ita labele halo nutisia bazea ba nutisia ne’ebe nia fontese ne’e la klaru. kaer metin ba kode etik jornalistika, hodi garante independensia editorial, ho nune’e bele fo informasaun lolos ba publiku. Dala ida tan diak liu jornalista sira bazea ba imi nia perguntas hosi fontes sira ba imi nian faktus rasik, labele bazea ba nutisia ka informasuan ne’ebe mai hosi facebook ou blog sira ne’ebe nia fontes sira ne’e klaru,” esperansa Prezidente CI.

Hatan perguntas hosi TAFARA.ORG ne’ebe liga ho fake news, karik CI iha meus hodi servisu hamutuk parte seguransa, hodi bele identifika administrator sira hosi blog ne’ebe publika informasaun falsu?

Prezidente CI esplika klaru katak, iha kontekstu liberdade espresaun no liberdade imprensa tuir prinsipiu universal mak dehan katak ema hotu iha liberdade hodi hato’o sira nian espresaun.

Responsavel CI nian mak atu fo hatene ba jornalista sira, atu labele bazea ba informasaun ne’ebe publiku sira asesu, liga ho informasaun ne’ebe falsu.

Liu hosi conferensia da imprensa, ne’ebe halao’o iha edifisiu CI Kintal boot, loron 4/06, ba jornalista sira Prezidente CI hateten, Advokasia ne’ebe CI halo maka ita hamutuk labele uza nutisia sira ou fontes sira ne’ebe falsu atu sai baze ba ita nian nutisia.

Blog ne’ebe CI identifika mak hanesan Timor Hau nia doben, Timor Agora maibe sira kontinua sira nian perfil hanesan uluk, dala ruma sira foti informasaun hosi nutisia seluk. Maibe ba media online Politika Timor,  ida ne’e CI nota katak intensivu liu, hodi hatun nutisia ne’ebe iha tendensia liu, hodi soran lider sira.* [Zevonia Vieira | TAFARA.ORG | 04.06.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Lú Olo Hamenu Orgaun Komunikasaun Sosial no Jornalista Atu Iha Kapasidade Investigativu

“Jornalista sira labele kazuistiku katak foti kazu ida sai nutisia, la hatene kazu ne’e akontese …

Leave a Reply

Your email address will not be published. Required fields are marked *