Tuesday , December 12 2017
Home / Sosial & Politika / SEDPAC no APFTL Realiza Formasaun ba Membru PFN 2016-2018
Membru Parlamentu Foinsa'e Nian (PFN) periodu 2016-2018 hala'o diskusaun iha formasaun loron dahuluk. [Foto: Venancio Rego | 4.12.2017].

SEDPAC no APFTL Realiza Formasaun ba Membru PFN 2016-2018

Membru Parlamentu Foinsa’e Nina (PFN), halao formasaun daruak ba perido da toluk nian. Ba TAFARA.TL Sekretaria APFTL, Yane Domingas Elfrida Maia esplika katak, programa formasaun ba datoluk nia sei kontinua ho sesaun plenária.

“Formasaun ba dala rua nian ba membru Parlamentu Foinsa’e Nian ba periodu 2016 – 2018, ne’ebe mak kontempla ona mos iha planu anual SEJD (agora SEDPAC) 2017 nian”, dehan Yane iha fatin formasaun ETI Bidau, 4/12/2017.

Yane mos esplika katak, programa ne’e realiza tanba hetan apoio governu, liu husi Sekretaria Estadu ba Desportu no Promosaun Alta Kompetisaun (SEDPAC) servisu hamutuk ho Alumni Parlamentu Foinsa’e Timor-Leste (APFTL).

Membru PFN, Argenia dos Anjos (17), husi Postu Administrativu Cailaco sente haksolok no orgullu tanba iha oportunidade boot hodi bele tuir formasaun, hodi bele aumenta espriensia no konesementu.

Argenia iha esperança boot liu hosi formasaun ne’e bele sai líder civiku no fahe fila fali esperiensia ba foin sa’e sira sira seluk iha eskola no sociedade.

Entretantu membro PFN Fredelita Miranda (15), husi Postu Administrativu Iliomar esklaresa katak formasaun ne’e importante tebes ba Membru PFN sira, atu sai bukae iha futuru oin mai,.

 “Hau sei ba fali hau nia Postu, liu-liu formasaun ne’ebe hau hetan, hau bele fahe ba hau nia joven sira no bele mos fo motiva ba hau nia joven sira katak joven labele mete deit ba Eskola, maibe tenke ser mete mos iha edukasaun nao formal sira”, hateten Fredelita.

Formasaun ne’e sei kontinua to’o 9  Dezembru, iha ETI Bidau – Akadiruhun, no sei kontinua ho enkontru komisaun no sesaun plenaria. Total membru PFN ne’ebe partisipa 128 mai husi Postu Administrativu 65.

Fasilitador ba treinamentu refere kompostu hosi APFTL, SEDPAC, no ONG Fundasaun Haburas. Materia ne’ebe apresenta hosi facilitador sira foka lou ba edukasaun sivika, LSBE, jurnalismu baziku, ICT no meiu ambiente.* [Ambrocio Colo | TAFARA.TL | Editor: Zevonia Vieira | 4.12.2017].

About Ambrocio Colo

Ambrocio Colo, Kontributor TAFARA.TL, nudar mos Alumni Parlamentu Foinsa'e Nian [PFN] ba Periodu Daruak.

Check Also

Masakre Oesilo Tumin, Familia Hein Atensaun Governo

Iha Loron 8 no 9 fulan setembru 1999, akontese “Massacre Bobo-Ufe” iha Aldeia Tumín, Milisi …

Leave a Reply

Your email address will not be published. Required fields are marked *