Thursday , November 23 2017
Home / Eleisaun Parlamentar / Sico Kalbuady no Julio Thomas Pinto Rezigna-an Hosi Lista Kandidatura CNRT
[Foto Edit: Zinho MD].

Sico Kalbuady no Julio Thomas Pinto Rezigna-an Hosi Lista Kandidatura CNRT

Aprende hosi politika hosi maun Xanana Gusmao no politika iha mundu, lider sei deit mak responsavel ba iha nia area falla, nia iha obrigasuan moral atu rezigna an no ida nee la viola lei.

Relasiona ho desizaun hosi Sekretariu Jeral CNRT, Francisco Kalbuady Lay no Julio Thomas Pinto ne’ebe deklara an, liu hosi konferensia CNRT ne’ebe hala’o iha loron 4 to 6 Agustu, iha CDD, katak sai hosi lista kandidatura CNRT, ne’ebe mak atu sai deputadu iha peirodu 2017-2022.

Bainhira TAFARA.TL konfirma ho Sekretariu Jeral CNRT, Francisco Kalbuady Lay, esplika katak, liu hosi konferensia desidi ona tuir dereitu hanesan sidadaun ida.

“Horseik hau dehan iha ne’e katak, depois hau sei fo hau nia fatin ba ema seluk, nee hau deklara ona. Hau dehan katak hau fo hau nia fatin ba ema seluk, ne’e hau direitu, hau nia partidu ho hau desidi ona”, tenik Francisco Kalbuady.

Bainhira TAFARA.TL konfirma fali kona ba desizaun ida ne’e kontra Lei ou lae tanba tribunal legaliza ona lista hosi partidu? Maibe Francico Kalbuady hateten katak, “Hau la kontra Lei no tuir Lei ne’ebe mak iha”.

Iha parte sorin, Julio Thomas Pinto ne’ebe mak tama lista kandidatura numeru 16, ba TAFARA.TL mos informa katak rezigna an hosi lista kandidatura deputa nian tanba falla ba iha responsabilidade hanesan strutura partidu nian.

“Hau iha lista numeru 16, siknifika hau sei sai deputadu, maibe depois hare rezultadu elisaun hau triste, tanba parte ida ne’ebe hau responsabiliza iha Baucau CNRT derrota boot, tanba votus kompara iha 2012 boot liu fali elisaun tinan ida ne’e, tanba ida ne’e mak hau aprezenta hau nia razaun iha konferensia. Hau nia desizaun mak ne’e, depois intermus administrative hau sei informa ba iha strutura partidu CNRT, depois strutura partidu mak sei foti desizaun”, tenik Julio Thomas Pinto.

Julio Thomas Pinto mos informa katak aprende hosi politika hosi maun Xanana Gusmao no politika iha mundu, lider sei deit mak responsavel ba iha nia area falla, nia iha obrigasuan moral atu rezigna an no ida nee la viola lei.* [Zevonia Vieira | TAFARA.TL | 06.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

One comment

  1. eh.. Ida ne dala ida tam hatudu inresponsabilidade ba povu nia lian.. Xanana, kabualdi no Julio Thomas.. parese sente sira halo ona buat los husi desisaun nb sira foti liu hs resignasaun n mas ba hau ida ne htudu katak sira ses an husi povu nia fiar mask fiar ba partidu CNRT la suficiente hodi ukun.. porsi fiar povu naton duni ona no ba hau votus nb fo ona ba CNRT husi povu tenke responsabiliza no hatutan ba uma fukun atu deskuti ba malu hodi deside desisaun diak no justu ba sira.. laos ema fo fiar th depois ita resign fl.. se hakarak resign tenke antes eleisaun par hili fl slk..

Leave a Reply

Your email address will not be published. Required fields are marked *