Thursday , November 23 2017
Home / Eleisaun Parlamentar / Xanana Desidi Fila Fali Sai Nudar Prezidente CNRT
Kay Rala Xanana Gusmae.[Foto: Zinho MD | TAFARA.TL].

Xanana Desidi Fila Fali Sai Nudar Prezidente CNRT

Derrota ne’ebe akontese iha eleisaun ida ne’e, responsabilidade partidu nia estruturas tomak nian, laos Prezidente Partidu nian mesak.

Konferensia ne’ebe halao loron tolu hosi loron 4 to 6 Agustu, hodi halo evaluasaun ba servisu kuadrus partidu CNRT nian durante ne’e. Iha loron 4/08 Prezidente Xanana Gusmao ho intesaun seriu hodi desidi demita an hosi kargu Prezidente CNRT, maibe ohin loron liu hosi konferensia ba loron ikus iha CCD loron 6/08, Xanana retira fali lia fuan, katak sai fila fali Prezidente CNRT tanba desizaun hosi konfrensista sira katak, povu sei presija lideransa hanesan Xanana Gusmao.

Liu hosi portavoz partidu CNRT, Dionisio Babo afirma ba jornalista katak, konferensista sira apresia prinsipiu moral ho politiku hosi Maun Boot Xanana Gusmao.

“Konferensista sira deklara katak derrota ne’ebe akontese iha eleisaun ida ne’e, responsabilidade partidu nia estruturas tomak nian, laos Prezidente Partidu nian mesak. Konferensista sira hato’o liu-liu sira nia preokupasaun kona ba seiduak tempu atu sira bele simu desizaun ida ne’e. Ne’e duni konferensia nasional ida ne’e husu ba Maun Boot atu rekonsidera nia desizaun, tanba mos nia kargu nudar Prezidente Partidu sei remata iha 2022, no nune bele tau matan nafatin ba partidu, hodi hakbiit no hakboot, tuir komprimisiu hosi kongresu”, esplika Dionisio Babo Soares.

Dionisio Babo afirma liutan katak asumtu realasiona ho rezignasaun hosi Prezidente Gusmao, sei desidi hamutuk liu hosi kongresu extraordinario mak iha kompetensia atu deside ne’ebe mak sei halo iha tempu badak nia laran.

Hatan ba perguntas hosi TAFARA.TL, kona desizaun ne’ebe Xanana Gusmao foti iha loron premeiru ida ne’e intensaun seriu ka lae?

Dionisio Babo hatan katak, “desizaun ida ne’e Xanana Gusmao koalia ne’e ho intensaun seriu, mai hosi laran no fuan. Maibe Maun Boot depois rona hotu tiha preokupasaun no apelos sira ne’e, hasai desizaun katak to realizasaun kongresu extradinariu, Maun Boot sei kaer nafatin nia knaar nudar Prezidente Partidu CNRT, sem ona direitu prerogative hanesan Prezidente Partidu ho Plenos poderes. Konferensista sira tomak simu ho laran kmanek, desizaun hosi Maun Boot Xanana Gusmao, atu mantein nudar Prezidente Partidu”.* [Zevonia Vieira | TAFARA.TL | 06.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *