Thursday , February 21 2019
Home / Sosial & Politika / STAE Hahu Halo Preparasaun, Sei Rekruta Brigade 837 Ba Eleisaun Antesipada
Diretor Geral Sekretariadu Tekniku Administrasaun Eleitoral [STAE], Acilino Manuel Branco [Foto: Timor Agora]

STAE Hahu Halo Preparasaun, Sei Rekruta Brigade 837 Ba Eleisaun Antesipada

Preparasaun ba Eleisaun Antesipada komesa hahu ona, STAE sei rekruta fila fali Brigade hamutuk 837, hodi halao servisu iha eleisaun antesipada. Director Geral STAE, Acilino Manuel Branco, iha nia servisu fatin Kaikoli Dili ba Jornalista TAFARA.TL esplika katak, preparasaun agora halao hela iha nivel munisipiu no nasional, no konvoka enkontru atu reorganiza fila fali preparasaun iha terenu liu-liu atu haree fila fali eis pesoal kazual sira ne’ebe mak servisu iha eleisaun iha tinan kotuk hanesan Brigada, ofisiais eleitoral no operador sistema sira ne’ebe mak iha tempu badak sei organiza fali resesiamentu no mos aktualizasaun ba halao iha munisipiu 12 no mos RAEOA. STAE sei halo kordenasaun ho Ministeriu estrangeiro, hodi halao resensiamentu iha nasaun haat ne’ebe mak iha tinan kotuk partisipa mos iha eleisaun parlamentar.

“Atu hasoru eleisaun antisipada atendementu tenki maximu, tuir planu iha segundu semana Fevereiru ita sei halao resensiamentu to iha postu administrativu, sira hotu e planu atu halo mos resensiamentu ba iha rai liur. Ita sei rekruta fali ita nia Brigada sira hamutuk 837 pessoas, sira maka sei tun ba iha suku ida-idak, sei halo edukasaun votante iha kraik. Sei uja Radio Televizaun no mensajen sira, ita sei fo sai mos informasaun sira, poster buat sira ne’e hotu ita sei produz”, informa Acilino

Directo Geral ne’e mos dehan preprasaun seluk tan mak ho sentru votasaun sira oras ne’e dadun, ekipa husi munisipiu reuniaun fila fali ho autoridade munisipiu sira, para atu bela haree fila fali kondisaun numeru sentru votasaun sira iha munisipiu ida-idak. Sei haree nia kondisaun entermus de estradas atu lori material sira ba iha sentru votasaun. Se loron eleisaun monu iha udan karik oinsa, meius saida mak bele utiliza, fasilita material sira ba no fila husi sentru votasaun sira ho seguru.

Iha tempu agora STAE mos komesa hahu halo kordenasaun ho Ministeriu Finansas ho Estatal, atu bele hare prosesu atribuisaun material, hodi bele kompleta material sira ne’ebe maka uza ona iha eleisaun tinan kotuk, no karik atu aumenta tan urna, kabina de votus no tinta sira. Tinta sei sosa iha India, tinta ida ne’ebe.

Director Jeral ba TAFARA.TL afirma mos katak hein Prezidente da Republika iha tempu badak, sei marka data eleisaun, tanba tuir Lei, STAE walu tutuir malu, tenke publika kalendariu operasional iha jornal republika, no bele hatene ona sekuensia atividade to iha loron proklamasaun rezultadu Tribunal Rekursu.

Liu hosi eleisaun antesipad, Diretor Jeral STAE ho esperansa no optimism katak tenke lai susesu no kualidade

“La kleur tan ita sei ba ezerse fali ita nia direitu de votus, ita hein deit bainhira mak ita nia Presidente da Republika atu marka data, hanesan orgaun eleitoral oras ne’e daudauk, ita halo hela resensiamentu iha munisipiu sira, la kleur tan sei kobre ba iha postu administrativu no ita espera katak ema hotu sei hola parte iha prosesu ida ne’e, tanba prosesu ida ne’e importante atu determina dala ida tan ita nia eleisaun ida, hodi hili fila fali ita nia membru deputadu sira ba mandatu foun mai, nune bele garantia ita ninia governu foun, ne’ebe mak aban bainrua bele lori moris diak ba ita hotu”, tenik Acilino

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Kursu Promosaun Ofisial Inspetor PNTL, FM: Sei Hamosu Deskonte Barak

Ministeriu Interior hasai Diploma Ministerial N.o 35/2018 de 29 de Novembro hodi halo promosaun ba …

Leave a Reply

Your email address will not be published. Required fields are marked *