Wednesday , June 19 2019
Home / Eleisaun Parlamentar / Taur Matan Ruak: Halo Mudansa ba Povu Sai Hosi Kiak no Mukit
Taur Matan Ruak ho nia Espoza, Isabel Ferreira iha Kampana Eleitoral PLP nian, hala'o iha Tasi-Tolu. [Foto: Zinho MD | TAFARATL | 16.07.2017].

Taur Matan Ruak: Halo Mudansa ba Povu Sai Hosi Kiak no Mukit

PLP iha ninia kampanna ne’ebe halo iha tasi tolu, iha ninia komprimisiu Taur dehan PLP sei halo mudansa hodi liberta no hasai povu husi kiak no mukit iha Timor-Leste.

Prezidente partido PLP, Taur Matan Ruak hateten atu halo mudansa ba povu hodi hasai povu hosi kiak no mukit, hodi nune’e povu nia moris bele iha mudansa, tamba durante tinan lima iha mandatu hanesan prezidente da Republika promulga osan hamutuk $800.000.000 dolar Amerika.

Taur Matan Ruak informa katak, sei halakon pensaun vitalisia no korupsaun iha rai laran, atu nune’e povu bele hetan moris lolos ne’ebe dignu no laiha tan diskriminasaun, tamba povu la merese ona moris kiak tan.

“Governu halo uma andar barak maibe povu nia sintina kakuluk sei mamuk, tinan 15 ona maibe povu sei hakilar. Uluk kedas ita nia povu sira luta hasoru portugues durante no kontra okupasaun Indonezia durante 24 nia laran, tan deit hakarak liberdade. Ida ne’e hahalok aat sira iha ita nia rain, tenki halakon no povu sira moris hakarak mudansa rai ida ne’e”, esplika Taur.

Iha parte seluk, Isabel Ferreira hateten katak, hanesan inan ba povu ida ne’e, fo apoio atu halo mudansa ba povu tenki halakon korupsaun, atu nune’e povu bele hetan mudansa iha povu nia moris.

“Timor labele lakon ho nasaun seluk, atu kontinua bolu Timor kiak. Timor ne’e riku ho nia rikusoin barak. Povu kiak, laos kiak deit ba rikusoin maibe kiak mos ba moral. Hakarak moris iha familia ida ne’ebe simplis no dignu, hatene respeita iha sosiedade laos respeita tamba nia kargu ka nia riku  soin maibe hanesan ema sidadaun Timor ne’ebe iha religiaun no kultura ida ne’e mak ita hotu nia mehi ba Timor ida foun ne’e”, hateten Isabel.

Tuir observasaun TAFARA.ORG kampana ne’ebe hala’o iha loron 16/07, iha Tasi Tolu, lao ho hakmatek, hetan obserasaun hosi observador internasional, nasional, CNE, PDH no hetan seguransa hosi PNTL.*[Henrique de Jesus |Contributor TAFARA.TL | Editor: Zevonia Vieira | 16.07.2017].

About Henrique Soares de Jesus

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *