Monday , March 25 2019
Home / Sosial & Politika / TDD Hahu Interogatoriu Ba Arguido nain 4 Ba Akontesementu 18/11
Arguido sira ne'ebe tiru joven nain tolu mate no nain lima kanek todan iha TDD. [Foto: Jesuino Marcal de Jesus | 20.11.2018]

TDD Hahu Interogatoriu Ba Arguido nain 4 Ba Akontesementu 18/11

Ohin 20/11 Tribunal Distrital Dili [TDD] hahu halo primeiru interogatoriu ba oknum haat ne’ebe desfia tiru joven tolu mate iha aldeia Kuluhun de Baixu, suku Akadirihun postu Nain Feto Municipio Dili, iha Domingo Madrugada.

Akontesementu ne’e akontese bainhira arguidu no vitima sira komemora tinan ida ba matebian Adaun. Tuir informasaun ne’ebe TAFARA.TL hetan katak desizaun ba premeiru interogatoriu ne’e sei desidi iha aban tuku 10:00 dader 21/11.

Kazu akontesementu iha Kuluhun de Baixao ne’ebe oknum polisia tiru, hodi rezultaa nain tolu mate no nain lima hetan kanek todan, hamosu protesta makaas hosi organizasaun juventude, sosiadade sivil, komunidae em jeral no estadu.

Iha parte sorin juventude sira kontinua halo asaun protesta iha Kuluhun de Baixo hodi rezeita aktu brutal ne’ebe halo hosi oknum polisia no halo violasaun direitus humanus. * [ Jesuino Marcal de Jesus | Editor: Zevonia Vieira | TAFARA.TL | 20.11.2018 ]

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *