Wednesday , October 24 2018
Home / Sosial & Politika / Timor-Leste Atu Sosa Partisipasaun 30% hosi ConocoPhillips, PM Seidauk Hetan Relatorio
Kompania Conocophillips. [Foto: copyright google | 20.09.2018]

Timor-Leste Atu Sosa Partisipasaun 30% hosi ConocoPhillips, PM Seidauk Hetan Relatorio

Primeiru Ministru, Taur Matan Ruak halao enkontru semanal ho Prezidente da Republika, Dr. Francisco Guterres Lú Olo, hodi aprezenta atividade semanal governu nian.

Hafoin remata ekontru, Primeiru Ministru hatan ba perguntas korespondente Reuters nian iha Dili, kona ba intensaun atu sosa partisipasaun 30% hosi ConocoPhillips, Premeiru Ministru Taur Matan Ruak, hetete katak nia seidauk simu relatorio hosi Xanana tanba ne’e labele halo komentariu.

“Ita boot sira hatene fronteira maritimas no mos reprezentante atu koalia ho kompania sira Greater Sunrise ne’e mak maun Xanana, maibe to’o agora hau seidauk simu relatoriu ida kona ba ida ne’e. Tanba ne’e hau labele halo komentariu ba buat ne’ebe jornal seluk ida tau iha jornal”, hateten PM Taur, iha palacio prezidente 20/09.

Semana ida liuba, iha notisia Financial Review hosi Australia, hatete katak Xanana Gusmão, negosiador principal ba oil ho gas explora hela oferta ida besik US$ 5 Bilioens, hodi sosa partisipasaun 30% hosi ConocoPhillips, hodi hola parte iha sosiu mak kobre kustu dezenvolvimentu nian. Agora dadaun kompania Shell iha 28.5%, Osaka Gas 10%, Woodside 34.5% no ConocoPhillips 30%. Kompania 4 ne’e foti tiha ona konkluzaun katak dada pipa mai Timor ne’e finansialmente la viabel.

Media Finansial Review mos hatete katak iha fulan Junu, Xanana hili bisnis nain ida, hosi Perth, Australia, naran James Rhee, atu ajuda nia halo negosiasaun. Negosiasaun dahuluk halo tiha ona ho ConocoPhillips nia QG iha Kuala Lumpur, Malaysia, fulan ida liuba.

“Xanana hili James Rhee tanba Timor-Leste iha relasaun ladiak ho ho nia parseiru Sunrise sira,” ofisial senior nian ida hateten liafuan ne’e ba Financial Review iha Dili.

Diretor Geral ba TL Cement, James Rhee projetu ne’ebe paradu hela tanba kestoens meioambiente nian. Nia iha relasaun diak ho figura senior sira hosi Partidu Liberal iha Western Australia, inklui ho Eis Ministra Negosiu Estranjeiru Julie Bishop, no Ministru Mathias Corman ho Mechaelia Cash. * [ Ato ‘Lekinawa’ Costa | TAFARA.TL | 20.09.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *