Friday , September 21 2018
Home / Sosial & Politika / Timor-Leste LOke Livru Omenajen ba Kofi Anan, Liu Hosi Asina Livru de Kondolensia
asina livru Kofi Anan hodi fo omenajen no kondolensia ba Kofi Anan. [Foto: Jesuino Marcal de Jesus | 04.09.2018]

Timor-Leste LOke Livru Omenajen ba Kofi Anan, Liu Hosi Asina Livru de Kondolensia

Timor-Leste liu husi Ministeriu Negosiu Estranjeiru no Koopersaun [MNEK] loke livru kondolensia ba eis Sekretariu Jeral Nasoens Unidas, Kofi Anan, ne’ebe fila hikas ona ba Aman Maromak. Liu hosi loke livru ne’e ho objetivu hodi asina livru de kondolensia

Diretor Geral Protocolares no Asunto konsulares, Juvencio de Jesus Martins esplika livru ida ne’e nudar jestu ida ne’ebe porfunda, ne’ebe etadu Timor-Leste hato’o ba Kofi Anan, ba nia kontibuisaun ba Timor-Leste.

“Livru ida ne’e hanesan omenagen ba saudozu Kofi Anan ne’ebe husik ona mundu, tamba nia hahalok hotu ne’ebe mak diak, ne’ebe maka nia halo ona ba luta libertasaun Timor-Leste iha prosesu hotu, buka solusaun ba problema Timor nian”, hateten Juvencio Martins iha sala VIP MNEC 05/09.

Diretor Juvencio mos akresenta katak Kofi Anan nudar ema diplomata ne’ebe iha kualidade diak tebes iha nia kareira no fo apoio makas ba independensia Timor-Leste nian.

“Kofi Anan nudar Diplomata ne’ebe mak alta kualidade, nia hatene bainhira mak nia bele koalia bainhira mak nia bele intervene, ne’e duni nia ajuda barak iha prosesu ne’e desde nia tempu no ita bele hetan solusaun iha 1999”, haktuir Juvencio.

Eis Embaixador Timor-Leste ba Filipina ne’e mos hatutan liu tan katak Kofi Anan mak hamosu ideia ba kriasaun organizasaun hirak ne’ebe mak administra Timor-Leste durante tinan rua nia laran, molok Timor restaura nia Independensia.

Kofi Anan rasik nia kontribuisaun liu hosi ideas barak ba kriasaun Unamet, Untaet, Unmicef hodi organizasaun sira ne’e administra Timor-Leste durante Tinan rua.

Atividade ida ne’e loke iha fatin sira hanesan iha UN House, Parlamentu, Palaciu Governu no MNEK. Asina Livru kondelensia ne’e sei halo durante semana ida nia laran. Kofi Anan Mate iha dia 18 de Agostu no sei hakoi iha loron Septembru 2018, iha nia moris fatin nasaun Gana. Hosi nasaun Timor-Leste ne’ebe mak sei reprezenta ba loron funerariu Kofi Anan, mak Eiz Prezidente da Republika, Dr. Jose Ramos Horta. * [ Jesuino Marcal de Jesus | Editor: Zevonia Vieira | TAFARA.TL | 05.09.2018 ]

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *