Saturday , April 20 2019
Home / Sosial & Politika / Tinan 42 Selebra Independensia, Komunidade Suai Iha Esperansa Dezenvolve Baze Ho Kualidade
komunidade asiste hela seremonia ofisial proclamasaun 42 anus iha kampu ladi, suai covalima.[Foto: Zinho MD | TAFARA.TL | 28.11.2017].

Tinan 42 Selebra Independensia, Komunidade Suai Iha Esperansa Dezenvolve Baze Ho Kualidade

“Estadu Timor ida ne’e, sei sai estadu Timor ida ne’ebé di’ak liu  ida ne’ebé mak nia dezenvolvimentu ne’e mai husi baze, katak ema hotu senti duni dezenvolvimentu, senti duni ukun rasik an.”

Loron proklamasaun independensia Timor-Leste, nudar loron importante ba povu, hodi selebra tanba iha valor boot iha tinan 42 liu ba, komite Fretilin ho proklamodor Dr. Francisco Xavier deklarasa independensia Timor-Leste.

Ohin loron povu tomak sente katak oinsa bele valorize loron historiko ida ne’e. Iha tinan ida ne’e estadu Timor-Leste selebra hamutuk ho komunidade sira iha muncipio Covalima. Iha selebrasaun ne’e jornalista TAFARA.TL hakbesik ba povu no membru estadu Timor-Leste, hodi husu sira nia esperansa ba Timor-Leste relasiona ho selebrasaun loron proklamasaun ne’e.

Ba TAFARA.TL aktual Segunda Sekretaria IV Legislatura, Elvina Sousa Carvalho hateten katak momentu ida ne’e hanesan oportunidade di’ak ba povu tomak, hodi hanoin hikas heroi sira nia mate ba libertasaun ukun rasik an, nune’e nia husu jerasaun foun sira atu fó kontribuisaun liu-husi partisipasaun konstrutivu.

“Estadu Timor ida ne’e, sei sai estadu Timor ida ne’ebé di’ak liu,  ida ne’ebé mak nia dezenvolvimentu ne’ebe mai husi baze, katak ema hotu sente duni dezenvolvimentu, senti duni ukun rasik an”, tenik Elvina.

Administrador Postu Administrativo Suai Vila, Laurentino de Jesus iha dadalia ho jornalista TAFARA.TL hato’o nia problema katak, durante ne’e iha Suai Vila mak bee moos la sufisiente, maske iha ona parte SAS munisipiu Covalima nian halo ona servisu.

“Bee mak araska duni, babain ita haree SAS preprara hele, ita haree ba seidauk too iha munisipiu Covalima,” dehan Laurentino de Jesus ba jornalista TARAFA.TL iha fatin Cooktail.

Wainhira jornalista TAFARA.TL  dadalia ho membru Parlamentu Foinsa’e Nian Munispiu Covalima, Angela da Costa (17) iha selebrasaun loron proklamasaun ba dala 42, nia hato’o nia esperansa katak ba oin Timor-Leste mós bele sai nasaun ida ne’ebé di’ak iha nasaun hotu nia matan.

“Ba oin Timor sei sai di’ak liu tan iha nasaun hotu nia matan no ba rai doben Covalima, ha’u espera iha dezenvolvimentu iha setor edukasaun no seitor hotu, atu dezenvolve liu tán rai doben Covalima ne’e,” dehan Angela.

Iha sorin seluk, iha dadalia ho inan faluk idozu, Carolina dos Reis, ne’ebé partisipa mós iha selebrasaun proklamasaun Indepensia hato’o esperansa katak estadu Timor ne’ebé bele tau matan ba povu sira ne’ebe sei moris susar no fó oprtunidade ba oan sira, hodi asesu edukasaun ne’ebé mak kualidade.

Membru lider partidu polítiku Munisipiu Covalima, Delfin Gusmão (50) hato’o nia esperansa katak, husu ba juventude atu ka’er metin nafatin aswa’in sira ne’ebé luta ba Timor-Leste, ho sira nia esforsu an tomak, harii unidade no paz iha Timor-Leste.

Nia mós husu ba lideransa lokál sira atu serbisu makas liu tán, atu nune’e bele dezenvolve liu tán Covalima ho mega projetu ne’ebé mak iha.* [Maria do Céu  | TAFARA.TL | Editor: Zevonia Vieira |  28.11.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *