Thursday , February 21 2019
Home / Sosial & Politika / Tinan Ida La asesu Merenda Escolar, Bee Moos no Nesesidade Saneamentu Baziku Laiha
kondisaun Eskolah Ensinu BAziku Catolica Filial Lelai, Postu Administrativu Quelecai, Municipio Baucau.[Foto: Martinho Moniz | 08.11.2017]

Tinan Ida La asesu Merenda Escolar, Bee Moos no Nesesidade Saneamentu Baziku Laiha

“Merenda eskolar tinan ida ne’e mak la la’o, tinan hira ba kotuk ne’e la’o diak hela, maske tein iha fatin ne’ebe laiha kondisaun, ami didin fali sintina fatin hodi tein, durante merenda eskolar la’o, bee moos ne’e estudantes sira lori husi uma”. Mario Sidonio

Situasaun ida ne’e mak akontese iha Eskolah Ensinu BAziku Catolica Filial Lelai, iha Municipio Baucau. Estundante sira hasoru difikuldade iha sira nia proses aprendizazen tanba sedauk iha atensaun hosi governu.

Diretor Eskola Ensinu Baziku Catolica 1o no 2o Ciclo Filial Lelai, Postu Administrativu Quelecai, Municipio Baucau, Mario Sidonio Boavida bainhira hasoru malu ho Estudantes Estajiadus husi Universidade Nasional Timor Lorosa’e, Fakuldade Siensias Sosiais iha nia knar fatin, konfesa katak eskolah estundante ensinu baziku Catolika Filia Lelai la asesu ba merenda eskolah tinan ida ona.

“Merenda eskolar tinan ida ne’e mak la la’o, tinan hira ba kotuk ne’e la’o diak hela maske tein iha fatin ne’ebe laiha kondisaun, ami didin fali sintina fatin hodi tein, durante merenda eskolar la’o, bee moos ne’e estudantes sira lori husi uma, depois mak kuziñeira sira tein. Konaba nesesidade estudante ninian ba saneamentu baziku laiha, labarik sira tenki buka fatin seguru atu bele soe foer, maske nune’e labarik nunka aplika bolos ka fila sedu, sira sempre fila tuir oras, oras to’o mak sira fila,” tenik Diretor Eskola.

Mario Boavida mos informa katak eskola ne’e hari kedas iha Indonezia nia tempu, iha tinan 1993 to’o ohin loron, labarik sira ne’ebe mak akaba iha Eskola ida ne’e, balun agora servisu iha NGO, balun servisu iha edukasaun, balun agora dotor kura moras nian, inklui Xefe Suku Lelai, Laisorulai de Baixu no Abu. Maske Eskola ne’e produz rekursu humanu barak ona, maibe kondisaun eskola nafatin deit. Difikuldade boot ne’ebe mak eskola refere hasoru mak bee moos laiha, haris fatin laiha no dapur ba merenda eskolar la kondisionadu.

Iha fatin hanesan Profesora Clara Soares Ximenes, afirma iha eskola ne’e iha sala de aula hitu, maibe lima mak la seguru atu hanorin sira fo lisaun ba estudantes sira. Profesora ne’e preokupa liu ho haris fatin, tamba haris fatin laiha bele fo impaktu ba saude estudantes sira nian.

“Ami atu fo lisaun ba labarik sira i materiais barak mak sei susar teb-tebes, exemplu livru ba Relijiaun moral, edukasaun fizika, Saude no ida tan mak siensia, siensia ne’e fahe ona ba rua, siensia naturais no siensia sosiais maibe, susar atu difine livru ne’ebe mak iha ona ami nia liman, maibe nu’udar profesora dezaraska buka meius atu fo lisaun ba labarik sira maibe seidauk to’o terseiru periodu Livru ida Ami uza hotu ona. Hirak ne’e mak difikuldade ba ami. Seluk tan mak Eskola ida tenki iha haris fatin, tamba ne’e esensial ba Ami prrofesores no estudntes sira tamba saude ne’e importante,” dehan Profesora Clara Soares Ximenes bainhira dada lia ho TAFARA.TL iha Eskola Ensinu Baziku Catolica 1o no 2o Ciclo Filial Lelai.

Profesora Clara Soares Ximenes afirma mos katak, bee moos mak sai problema bo’ot iha fatin refere, dala ruma labarik sira ba eskola tarde tamba be matan iha ida deit, ne’ebe sira ba hein malu nune’e dala ruma halo sira tarde.

Iha sorin seluk Estudante Estajiadu UNTL, Vitorino Da Costa hateten, “kondisaun fizika eskola refere hanesan sala de aula no kadeira, meja ne’ebe la adekuadu ba kuantidade alunu sira atu bele tuir prosesu aprendijazen, sanitariu sai problema ba alunu no implika ba saude alunu no mestre sira nian, seluk husi ida ne mos laiha lixeiru ne’ebe bele halibur lixu iha eskola refere. Estudante Estajiada Sonia Claret mos afirma, Eskola refere laiha bee mos, kuadru [papan] eskola ne’ebe a’at ba dadaun, Livrus menus.

Relasiona ho problema hirak ne’e Diretiva eskola refere halo ona esforsu barak hodi hato’o ba ministeriu relevante no Nai ulun sira maibe la hetan konsiderasaun.

Ho ida ne’e, Estudante Estajiada Sonia Claret afirma katak edukasaun nudar matadalan no pilar dahuluk ba dezemvolvimentu nasaun Timor-Leste, tan ne’e husu ba parte relevante atu tau matan imediata ba Eskola ne’e, ne’ebe ninia kondisaun grave maibe nafatin ativa ate ohin loron.”

Tuir observasuan TAFARA.TL nian, Eskola Ensinu Baziku Catolica 1o no 2o Ciclo Filial Lelai laiha kampu futebol, Voleybol no biblioteka.

Estudantes Eskola Ensinu Baziku Catolica 1o no 2o Ciclo Filial Lelai hamutuk 183, professors nain7 kompostu husi feto tolu no Mane hat. *[Martinho Moniz | Estudante Estajiadu, Dep.CS, UNTL | TAFARA.TL | Editor: Zevonia Vieira | 08.11.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Kursu Promosaun Ofisial Inspetor PNTL, FM: Sei Hamosu Deskonte Barak

Ministeriu Interior hasai Diploma Ministerial N.o 35/2018 de 29 de Novembro hodi halo promosaun ba …

Leave a Reply

Your email address will not be published. Required fields are marked *