TL Iha Ona Fronteira Maritima, Lere: Preokupa Oinsa Bele Asegura Ita Nia FM

Major Jeneral F-FDTL, Lere Anan Timur hasoru malu ho Prezidente da Republika, Dr. Francisco Guterres Lú Olo, hodi informa situasaun seguransa rai laran no koalia mos konaba seguransa fronteira maritima nian.

Ba jornalista sira hafoin remata, Lere Anan Timur ba jornalista hateten katak Prezidente da Republika preokupa ho fronteira maritime, ita tenke halo esforsu ba seguransa no defeza ba soberania Timor nian.

“Ita iha fronteira rai maran ne’ebe sedauk konklui, maibe fronteira tasi ho Australia ita konklui ona. Ita nia preokupasaun ita tenke esforsu liutan tanba ita sedauk iha meus atu asegura ita nia fronteira maritime. Ita labele kontente katak ita iha ona fronteira maritima, maibe ita tenke preokupa halo oinsa para bele asegura ita nia fronteira maritima”, hateten Lere iha palacio prezidensia 14/03.

Lere informa katak agora dadauk governu halo hela esforsu atu bele asegura fronteira maritime, “hau hanoin katak tinan ida ne’e maibe ita sedauk hatene governu ida ne’e mak ukun nafatin ou governu seluk mak atu ukun, ita sedauk hatene, maibe governu ida ne’ebe mak mai ukun, preokupasaun ba premeiru prioridade ba seguransa tasi nian. Labele kontente deit ho fronteira maritime ne’ebe ita nia maun xefe negosiador Xanana Gusmao konsege hakotu iha tinan ida ne’e laran. Ne’e ami nia preokupasaun nudar elementus seguransa e defeza”.

Negosiasaun fronteira maritime ne’ebe povu Timor luta hamutuk, hodi kontinua hakilar ba governu Australia hodi fo fila soberania Timor nian, no liu hosi negosiador principal Xanana Gusmao ne’ebe halao nia servisu importante ho governu Australia, iha loron 6/03 nasaun Timor-Leste no Australia asina duni akordu ba tasi ketan iha Novaiorke. * [ Zevonia Vieira | TAFARA.TL | 14.03.2018 ]

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.