Thursday , May 23 2019
Home / Sosial & Politika / TMR Fo Opsaun Rua Ba Prezidente da Republika, Politika no Legal
Presidente Partidu PLP, Taur Matan Ruak rona hela pergunta husi jornalista sira hanoin remata enkontru ho Presidente da Republika.[Foto: Zinho MD | TAFARA.TL | 15.11.2017].

TMR Fo Opsaun Rua Ba Prezidente da Republika, Politika no Legal

Prezidente PLP, Taur Matan Ruak, hasoru malu Prezidente da Republika, Francisco Guterres Lú Olo, hodi halo dialogu kona ba situasaun politika ne’ebe agora dadauk akontese.

Liu hosi enkontru ida ne’e ba jornalista sira, Taur Matan Ruak hateten katak ohin mai hasoru Prezidente da Republika, hodi rona preokupasaun, opiniaun hosi Prezidente da Republika

“Iha hau nia parte hanesan partidu PLP, hau hateten ba Presizente da Republika katak solusaun ne’e iha rua deit, ida Politika ida, ida seluk legal ka Konstituisional. Iha dalan rua ne’e oinsa politikamente komplikasaun tamba evolusaun partidu opozisaun ne’e makas los. Segundu ita iha dalan legal Konstituisional tamba ne’e ita hare’e tok tempu hira ne’e, saida mak sei akontese kualker  formas ita nia Nai Presidente kontinua, pasensia para atura ami hotu, partidu hotu I nia hatete. Hau kontenti los nia liafuan a esperansa e ultima a morer katak esperansa dalan ikus liu atu lakon, ne’ebe ita hare’e tok tempu oin mai”, hateten Taur.

Eis Presidente Republika ba dala lima ne’e mos garante ba povu tomak katak, situasaun politika agora ne’e buat kiik ida, tamba ne’e hau kontente los ho komportamentu sidadaun sira nian hotu no hau fiar katak ita sei ultrapasa problema ida ne’e.

Eiz Komandante Falentil ne’e mos salienta liu tan katak saida mak bele hatete ba nai Prezidente katak, konsertasaun ne’e avansa makas los, klarifikasaun iha tempu badak mai to’o ona iha ne’ebe. Mais na verdade bloku ne’e iha asinatura ida konaba komprimisiu ida entre Partidu PLP, CNRT no KHUNTO. espera dokumentus sira ne’e sei to Nai Presidente hare’e ba pozisaun ne’e. Tamba ne’e mak Taur hatete katak iha aspetu politiku ne’e sei minumu los,  maibe la signifika katak  la iha espasu para atu koalia.

Tuir Taur Matan Ruak katak ba situasaun agora, desizaun tomak iha Prezidente da Republika nia liman no AMP klaru naturalmente iha tempu lolos ho opiniaun ne’ebe, maibe desizaun ne’e iha Prezidente da Republika nia liman.* [Jesuino Marcal de Jesus | TAFARA.TL | Editor: Zevonia Vieira | 15.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *