Thursday , May 23 2019
Home / Sosial & Politika / TMR: Hau Louva ba Deputadu 35, Povu no Saudasoens Spesial Ba Fretilin no PD
Taur Matan Ruak.[Foto: zimbio.com].

TMR: Hau Louva ba Deputadu 35, Povu no Saudasoens Spesial Ba Fretilin no PD

“Saudasoens special ba Fretilin no PD, maske iha diferensia maibe sempre respeita malu ida ne’e importante, “respeitu ne’e dalan ida, ita bele haburas ita nia intendementu no ita nia komprensaun ba demokrasia ne’ebe ita hakarak harii iha ita nia rain,” TMR.

Presidente Partidu Libertasaun Popular (PLP), Taur Matan Ruak hato’o nia intervensaun iha sorumutu entre Partidu PLP, CNRT no KHUNTO iha Novu Turismo, loron 01/02 hateten ita hakotu periodu ida ne’e hanesan teste ba demokrasia Timor-Leste nian.

“ita hakotu periodu ida ne’ebe sai hanesan teste ba demokrasia ita nia rai nian, ita koko ita nia koezaun politka no social, hare’e ita nia kbiit to iha ne’ebe atu infrenta situasaun hanesan ne’e, ne’e primeira vez iha ita nia istoria, ita testa ita nia sistema politiku no demokratiku, ne’ebe hakerek iha tia nia Konstituisaun, para hare’e buat ne’ebe ita hakerek iha ne’eba, ne’e aplika oinsa, nia diak ka nia iha difisiensia ruma ka, bele hadia iha tempu ikus, ita testa ita nia kapasidade lideransa konaba ita nia espiritu atu luta lori hadia ita nia nasaun, mas liu-liu ita koko ita nia pasiensia no ita nia vontade atu serbisu hamutuk, ne’e sai ezemplu ida ba gerasaun sira ne’ebe tuir mai. ida ne’e so konsege atraves dialogu atravez de konsiensia rona malu fiar, malu ida ne’e mak ita konsentra, ambiente ida hanesan ne’e la mosu naran-naran deit, ambiente ida ne’e mosu tamba mai husi ita nia vontadeatu atu hanoin no destingue saida mak diak no saida mak at, iha prosesu tomak, ne’ebe ita halao iha tempu fulan neen nia laran”, hateten Taur Matan Ruak.

Eis gerileiru ida ne’e hatoo saudasoens especial ba nai Deputadu 35, reprezenta iha Parlamentu Nasional, ba serbisu, ba pasiensia, ba imi nia kapasidade atu dialogu koalia sempre ho civismu, espera ida ne’e sai esperiensia bo’ot ida iha tempu oin mai, halo nusa mak bele hametin aprofunda liu tan situasaun ida ne’e.

Taur mos fo agredese ba partidu tolu, hosi nasional to aldeias, organizasaoens, asosiadus ba joven sira, tabalhador sira, intelektual sira hotu no ikus nai veteranu sira Frente Klandistina husi Frente Armada, “ ba imi nia pasensia, ba imi nia konfiansa, ba ami para iha fulan neen nia laran, lidera imi, buka dalan, buka solusaun, jere ita nia situasaun ne’e to’o ohin”.

Eiz Prezidente da Republika mos fo agradese no saudasoens special ba Fretilin no PD, maske iha diferensia maibe sempre respeita malu ida ne’e importante, “respeitu ne’e dalan ida, ita bele haburas ita nia intendementu no ita nia komprensaun ba demokrasia ne’ebe ita hakarak harii iha ita nia rain”.* [Jesuino Marcal de Jesus | TAFARA.TL | Editor: Zevonia Vieira | 01.02.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *