Friday , August 17 2018
Home / Eleisaun Parlamentar / TR Anunsia Rezultadu EAP 2018, AMP Sai Vensedor
Tribunal Rekursu Timor-Leste. [Foto: copyright jornal independente]

TR Anunsia Rezultadu EAP 2018, AMP Sai Vensedor

Aliansa Mudansa ba Progresu mak sai manan nain ba premeiru lugar ho votus 309.663 [49,6%] ho kadeira 34, tuir kedas ho partidu Fretilin ho votus 213.324 [34,2%] ho kadeira 23, tur iha terseiru lugar mak Partidu Demokratiu ho votus 50.370 [8,1%] ho kadeira lima no ikus mak Koligasaun Frenti Dezenvolvimentu Demokratiku [FDD] ho votus 34.301 [5,5%] ho kadeira tolu.

Tribunal Rekursu anunsia legalmente vensedor ba iha konkorente partidu politiku no koligasaun partidaria sira ne’ebe konkore iha eleisaun antesipada ne’ebe monu iha loron 12 Maiu 2018.

Liu hosi akordu ne’ebe hatoo hosi juiz nain tolu hanesan Deolindo dos Santos, Guilheme da Silva no Jacinta Coreia da Costa ne’ebe foti desizaun koletiva liu hosi Tribunal Rekursu.

Iha loron 12 Maiu 2010 realiza ona eleisaun parlamentar nasional, tuir Lei numeru 6/2006, 28 Dezembru no Lei alterasaun numeru 6/2007, 31 Maiu, 7/2011, 22 Junho, 1/2012 13 Janeiru, 9/2017 5 Maiu.

Liu hosi artigu numeru 50, Tribunal Rekursu dilibera katak eleisaun parlamentar 2018 validu. Ho nune’e Aliansa Mudansa ba Progresu mak sai manan nain ba premeiru lugar ho votus 309.663 [49,6%] ho kadeira 34, tuir kedas ho partidu Fretilin ho votus 213.324 [34,2%] ho kadeira 23, tur iha terseiru lugar mak Partidu Demokratiu ho votus 50.370 [8,1%] ho kadeira lima no ikus mak Koligasaun Frenti Dezenvolvimentu Demokratiku [FDD] ho votus 34.301 [5,5%] ho kadeira tolu.

Lista hosi AMP mak hanesan Kay Rala Xanana Gusmao, Taur Matan Ruak, Armanda Berta do Santos to lista numeru 34. Hosi Fretilin mak Marí Bim Amude Alkatiri, Francisco Miranda Branco, Cidalia Mesquita Ximenes to lista 23. Hosi PD Mariano Sabino Lopes, Antonio da Conceicao, Elvina Sousa Carvalho to lisa 5, hosi FDD Antonio de Sá Benevides, Gilman A. Exposto dos Santos no Isabel Maria B. Freitas Ximenes.

Tuir planu seremonia solene ba membru parlamentu V Legislatura sei hahu iha loron 7 Junhu no sei loke hosi Prezidente da Republika. Iha tempu hanesan sei hili kandidatu sira hosi bankada atu sai derizi meza parlamentu nasional. [Virginia Pereira | Editor: Zevonia Vieira | TAFARA.TL | 28.05.2018]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *