Sunday , June 24 2018
Home / Eleisaun Parlamentar / TR Rejeita Rekursu Hosi Partidu Fretilin
Tribunal Rekursu Timor-Leste. [Foto: copyright jornal independente]

TR Rejeita Rekursu Hosi Partidu Fretilin

Iha loron 23/05, Tribunal Rekursu [TR] fo sai desizaun TR nian liga ho rekurso ka reklamasaun ne’ebe hatama hosi partidu Fretilin liga ho iregularidade ne’ebe akontese iha eleisaun antesipada.

Ba jornalista sira Prezidente TR, Deolindo dos Santos hateten ohin fo sai desizaun konaba reklamasaun hosi partidu Fretilin nian.

“Desijaun sai ona, pormaioria rejeita rekursu hosi partidu Fretilin nian. ita hare fali anunsiu rezultadu eleisaun nian iha loron tolu, konaba kontiudu desijaun, hau labele esplika, tamba hau ho kolega nain tolu desidi, desijaun ne’e hosi Tribunal Rekursu”, hateten Deolindo, 23/05.

Deolindo afirma katak desizaun ne’ebe TR foti ohin loron nian konaba rekursu hosi konkorente sira nian, no kazu sira ne’ebe hatama mai hosi Fretilin.

Tuir mai Tribunal Rekurso sei foti desizaun konaba rezultadu eleisaun nian, “iha kestaun balu hau seidauk bele esplika, tamba iha preklamasaun konaba rezultadu eleisaun nian, hau labele hasai hau nia opiniaun, rezultadu eleisaun nian hein masimo segunda feira desijaun neíe sei sa. Buat rua la hanesan ida primeiro mak rekursu ne’e tenke desidi uluk tiha lai tuir Lei, pois mak foin defende rezultadu proklamasaun. Ida seluk prazu hotu desidi ona ida seluk prazu sei lao hela”.

Iha fatin hanesan Reprejentante Legal AMP nian, Arao Noe ba jornalista sira hateten AMP sei analiza klean ba dokumentu hirak ne’e, tanba sedauk pronunsia buat ruma tanba dokumentu foin entrega.

“Ami tenke analisa, depois mak foin bele fo resposta ba esplikasaun klaru pozisaun AMP nian, importante tenke kumpri konstituisaun, tamba orgaun hotu iha kompetensia atu define, konstituisaun definidu no lei sira”. Hau hakarak hatete ita estadu de direitu, sasan ne’ebe hotu halao iha estadu ne’e tenke tuir Konstituisaun no lei sira, ita iha Lei numero 9/2017, ne’ebe regulariza aktus eleitorais”, esplika Arao. * [ Virginia Pereira | Editor: Zevonia Vieira | 24.05.2018 ]

 

 

 

About Virginia Pereira

Check Also

Marí: Sai Opozisaun Forte Laos Hatun Governu, Maibe Atu Governu Bele Iha Sentidu Responsabilidade

“Hanesan sasuit ida hasai kutu nian, sasuit la serve deit para sui hau nia fuk …

Leave a Reply

Your email address will not be published. Required fields are marked *