Thursday , February 21 2019
Home / Sosial & Politika / Tribunal Aplika Prizaun Preventiva ba Arguidu JAP no FS Ba Tragedia 18/11
Arguido sira ne'ebe tiru joven nain tolu mate no nain lima kanek todan iha TDD. [Foto: Jesuino Marcal de Jesus | 20.11.2018]

Tribunal Aplika Prizaun Preventiva ba Arguidu JAP no FS Ba Tragedia 18/11

Haktuir ba kazu ne’ebe akontese iha 18/11 madrugada iha Kuluhun de Baixu, hodi hamete joven nain tolu Tribunal Distrital Dili [TDD] aplika Prizaun Preventiva ba arguidu ho inicial JAP ho naran kodigu Jose Mina no FS ho naran kodigu Panglima.

Advogadu Pedro Aparecio nudar advogadu ba arguidu JAP nian ba jornalista sira esplika katak arguidu refere aplika prizaun preventiva tamba iha indisi forte ba kazu tiru mate joven nain tolu.

Desizaun Tribunal deside ona katak nia ba iha prizaun preventiva tamba iha indisi forte katak nia komete iha krimi ne’ebe mak akontese iha festa,” esplika Pedro Aparicio.

Pedro Aparicio akresenta liu tan katak medida ne’ebe Tribunal foti mak diak liu ona ba arguidu sira, atu nune’e labele iha tan problema seluk.

Tribunal hare’e katak iha medidas prizaun preventivas ne’e adequadu duni katak relevante ho aktus kriminal ne’ebe mak iha. “aktu ida ne’e nudar prevensaun diak ida atu nune’e bele hamenus problema iha komunidade”.

Iha fatin hanesan advogadu Estaqui Guterres esklarese medida ne’ebe Tribunal foti ba nia kliente ho inicial FS ne’ebe adekuadu liu mak prizaun preventiva.

Entertantu Arguidu ho inicial TG no JS tuir rezultadu iha primeiru interogatoriu la iha iniciu forte atu bele kondena arguidu rua ne’e. * [ Jesuino Marcal de Jesus | Editor: Zevonia Vieira | TAFARA.TL | 21.11.2018 ]

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Kursu Promosaun Ofisial Inspetor PNTL, FM: Sei Hamosu Deskonte Barak

Ministeriu Interior hasai Diploma Ministerial N.o 35/2018 de 29 de Novembro hodi halo promosaun ba …

Leave a Reply

Your email address will not be published. Required fields are marked *