Saturday , November 17 2018
Home / Eleisaun Parlamentar / Tribunal Rekursu Proklama Rezultadu Legalizasaun ELPAR 2017.
Edificio Tribunal Rekursu.[Foto: Jornal Independente].

Tribunal Rekursu Proklama Rezultadu Legalizasaun ELPAR 2017.

Loron 1 Agustu Triubunal Rekursu ho legalidade publika rezultadu elisaun parlamentar 2017 ba publiku katak se mak sai manan nain hodi ukun nasaun ne’e ba tinan 5 oin mai.

Presidente Relator Tribunal Recursu, Deolindo dos Santos liu husi nia juizes colektivu esplik katak depois hare rezultdu eleisaun parlamentar iha 22 de julho 2017, tuir Lei  6/2006 28 de Dezembru, fo alterasaun ne’ebe mai husi Lei 6/2007, de 31 de Maio, 7/2011, de 22 de Junho, 1/2012, de 13 de Janeiru no 9/2017, 5 de Maio. Depois halo tia apuramentu nasional, Comisaun Nasional das Eleisoes [CNE], fiksa rezultadu provizoriu iha sede CNE no fo prazu ba partidu sira, hodi halo rekursu durante 48 oras.

“Tribunal halo kedas verifikasaun durante loron 2 husi dia 30 no 31 no  kolektivu juizes ne’ebe hare’e prosesu ne’e, hodi halo kedas verifikasaun katak la iha iregularidade ruma. Atribuisaun mandatus ne’e tuir Lei 6/2006 art.0s 13 no 14.Tribunal proklama rezultadu tuir lei 6/2006 art.0s 50 hodi julga fo validasaun ba rezultadu eleisaun parlamentar 2017. Ho rezultadus definitivus mak hanesan tuir mai ho total eleitores inscritos 760.907, eleitores votantes 583.956, votus validamente expressos 568.070, votos em branco 4.097 no votus nulu hamutuk 11.711”, eslika Deolindo dos Santos.

Tuir informasaun ne’ebe kolekta hosi Tribunal Rekursu hatudu katak, to ohin loron laiha partidu ida mak mai hato’o deklarasaun ka rekursu ruma. Ba jornalista sira ne’ebe partisipa iha loron importante iha loron 1 Agustu, Prezidente Relator Tribunal Recursu hateten to desizaun ne’e sai, la iha reklamasaun ruma ka rekursu ruma tama mai Tribunal Rekursu tuir prazu ne’ebe estabelese iha art.os 48.

Iha fatin hanesan reprezentante husi partidu Libertasaun Popular [PLP], Fidelis Magalaes hateten PLP loke odamatan ba publiku hodi hato’o opiniaun no input ba Timor ida ne’ebe diak liu.

“ PLP nia odamatan loke ba sira hotu nia opiniaun no input ba Timor ida ne’ebe diak liu ba Timor-Leste, ne’ebe iha fatin ba Timor oan hotu. No ba partidu sira ne’ebe la konsege liu 4%, la signifika la iha ona fatin atu kontribui positivamente ba Timor-Leste”, dehan Fidelis.

Vice Prezidente partidu PLP ne’e mos hatutan katak, desizaun Tribunal ne’ebe tuir prosesu no lao tuir Konstituisaun. Tuir mekanismu oinsa maka governu foun, sei forma no depois ida ne’e prezidente Republika maka sei hola inisiativa atu rona partidu sira ne’ebe iha asentu Parlamentar. No partidu PLP tuir Prezidente Taur Matan Ruak dehan, partidu PLP mais vokasiunadu ba Opozisaun.

Tuir Rezultadu ne’ebe proklama husi Tribunal Rekursu, Partidu ne’ebe mais votadu mak Frente Revolucionario do Timor-Leste Independente [Fretilin] ho votus 168.480 ho porsentu 29,7% hetan kadeiras 23, segundu partidu Congresso Nasional de Reconstruçãode Timor-Leste [CNRT] ho votus 167.245 ho 29,5% hetan kadeiras 22, terceiru partidu Libertação Popular [PLP] ho total votus 60.098 ho 10,6% hetan kadeiras 8, quartu partidu Demokratiku [PD] ho total votus 55.608 ho 9,8% hetan kadeiras 7 no partidu Kmanek Haburas Unidade Nasional Timor Oan [KHUNTO] ho total votus36.547 ho 6,4% hetan kadeiras 5.* [Jesuino Marcal de Jesus | TAFARA.TL | Editor: Zevonia Vieira | 01.07.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *