Monday , June 17 2019
Home / Sosial & Politika / Uma 50 ho Eskola 2 Anin Estraga Total iha Suco Lelalai – Quelekai
Eskola ensinu baziku filial katoliku, suku Lelalai ne'ebe hetan estragus hosi impaktu anin boot. [Foto: Salomão Fraga Fernandes | 26.12.2018]

Uma 50 ho Eskola 2 Anin Estraga Total iha Suco Lelalai – Quelekai

Ema hotu selebra hela Natal 2018 maibe Suco Lelalai, Posto Quelekai, Munisipiu Baucau, hasoru dezastre udan no anin bot. Anin bot estraga komunidade nia uma 50 no estraga eskola publiku 2 no eskola katoliku ida.

Xefe Suco Lelalai, Posto Quelekai, Munisipiu Baucau, Salomão Fraga Fernandes, informa ba jornalista TAFARA.TL ohin dader (26/12) liu hosi messenger facebook katak akontesementu anin bot ne’e estraga ona komunidade nia uma no eskola.

“Anin bot ne’e estraga total eskola 2. Dokumentu eskola nian dodok hotu. Meja kadeira balun at tanba uma kakuluk monu no kalen anin huu sai hotu. Eskola rua ne’e la favorese ona atu halao atividade aprendizajen wainhira eskola hahu fali. Uma komunidade hamutuk 50 (iha momentu relata ba TAFARA.TL) mak hetan estraga. Populasaun nia batar, hudi no aihan sira seluk estragus total”, Xefe Suco Salomão informa.

Eskola ne’ebe hetan estraga total mak Eskola EnsinoBazica Filial Sarabata no Ensino Baziku Filial Katoliku. Eskola rua ne’e lokalia iha Suco Lelalai.

Tuir informasaun mak simu hosi fontes iha Posto Laga, Munisipiu Baucau, udan anin maka’as mos akontese iha Laga.

To’o nutisia ne’e publika TAFARA.TL sedauk hetan informasaun ikus konaba total estragus ba uma, propriedade publiku no mos vitima ba dezastre naturais ne’e. * [ Ato ‘Lekinawa’ Costa | TAFARA.TL | 26.12.2018 ]

About Fernando Antonio da Costa

Fernando António da Costa, konhesidu ho Ato "Lekinawa", iha TAFARA.TL nudar General Manager & Editor, no mos hamutuk ho Metódio Caetano Moniz & Zevonia Vieira funda media online TAFARA.TL.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *