Monday , June 17 2019
Home / Sosial & Politika / UNDP Ho Grupu Joven Komemora Loron Kuda Ai-Horis 2019, Demetrio: Hau Dezeizu Dili Sai Buras Liutan Ho Kontribuisaun Joven Sira nian
UNDP hamutuk ho Scretariu Estadu Meio Ambiente, Ministeriu Estatal no grupu Juventude hadomi ambiente kuda ai-horis hodi hamatak Dili. [Foto: Zevonia Vieira | 18.01.2019]

UNDP Ho Grupu Joven Komemora Loron Kuda Ai-Horis 2019, Demetrio: Hau Dezeizu Dili Sai Buras Liutan Ho Kontribuisaun Joven Sira nian

Hodi Komemora Loron Kuda Ai-Horis, ne’ebe monu iha Loron 13 Janeiru, Unites Nations Develompemtn Program [UNDP] liu hosi Knua Juventude Fila-Liman no Projetu Promosaun Resiklazen organiza atividade Kuda Ai-Horis iha loron 18/01, ne’ebe partisipa hosi grupu voluntariu juventude iha Motael, Dili.

Iha abertura, Sekretariu Estadu Meio Ambiente, Demetrioa Amaral de Carlvalho hateten, “Timor-Leste ohin loron buka tan eroismu foun, atu kombate hahalok at sira ne’ebe sei moris iha ita nia leet, hahalok at sira ne’ebe la hadomi ita nia rain. Rai ida ne’e ita tenke hadomi, hanesan sira fo sira nia an hodi liberta rai ida ne’e”.

Demetrio ne’ebe mak nudar ativista ba Meio Ambiente hatutan katak partisipasaun voluntario iha atividade ida ne’e importante tebes. Nia hateten katak “servisu makaas voluntariu hosi grupu joven sira, nebeik-neneik sei muda hahalok at ne’ebe sei mosu iha ita nia leet. Ita tenke aprende hodi sai ema ne’ebe responsavel dan luta nafatin ba Timor-Leste. Ho ita boot sira nia prezensa ohin loron, ita foti ona etapa premeiru hodi sai heroi foun ba dezenvolvimentu nasaun ne’e. Hau espera katak Dilisa verde liutan ho kontribuisaun hosi ita boot sira”, hateten Demetrio

Reprezentante hosi Ministeriu Administrasaun Estatal [MAE], Herminio Moniz Ribeiro hateten, “Dili Matak” ka Dili Verde ne’e importante tebes, hateten Diretor Herminio, “Lixu nudar problema boot ida iha Dili, liu hosi media sosial ema barak mak koalia konaba lixu. Ita sira iha ne’e, koko atu halo buat kiik oan ne’ebe positivu tebes. Hatudu ezemplu kiik ba komunidade, atu nune’e sira mos bele banati tuir ita nia lalaok”, hateten Herminio.

Iha tempu hanesan, UNDO Program Manager, Felisberta Moniz fo agredesementu ba governu ne’ebe partisipa iha atividade ne’e. Nia realsa katak inisiativa ida ne’e organiza hosi grupu juventude voluntariu sira, iha Knua Juventude Fila-Liman no Projetu Promosaun Resiklazen nia okos, Kampanye ida ne’e mos parte inisiativia hosi UNDO atu hakbiit foinsa’e, foka konaba hasae konsiensia komunidade konaba impaktu lixu, manajementu no prmosuan ba ideas inovativu hodi redus ka hamenus, resikla no uza fila fali lixu plastiku sira atu prevene degradiasaun rai no polusaun tasi.

Felisberta fo hanoin fila fali katak, “bainhira ita sei kiik, Dili ne’e nakonu ai-kasi nia funan mean, kuandu tempu ai kasi funan Dili ne’e matak no bonita tebes, maibe iha tempu agora ai-kasi iha Dili laran komesa menus no jardim ne’ebe matak nakonu ho ai. Tanba ne’e mak hakarak halo fali kampanye konaba ida ne’e.

Nia enkoraza katak, “hanesan juventude tuir lolos ita iha sentimentu nain ba rai ida ne’e, nain ba aldea no suku tuir lolos tenke iha. Juventude iha aldeia laran, iha suku rasik bele halo buat ruma, maibe presiza ita fanun nafatin, no muda ema nia hahalok sai ema ne’ebe responsavel oinsa hadomi ambiente”, tenik Felizberta

Atividade kuda Ai-Horis lao ho susesu no hetan partisipasaun liu hosi 50 grupu foinsa’e hanesan TYIFD, Dili-MUN, 3R no grupu voluntariu foinsa’e Motael, no total ai-horis liu hosi 300 ne’ebe kuda ona hanesan Kulu, Katapa, Flamboyan, Ai-ata no Murunga iha jardim Motael, tasi ibun Farol no Pantai Kelapa. * [ KJFL Team | TAFARA.TL | 18.01.2019 ]

 

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *