Tuesday , March 26 2019
Home / Ekonomia & Bisnis / UNDP Knua Juventude Fila-Liman Realiza Treinamentu Akampamentu Negosiu Sosial
Peritu Muhamad Yunus Muhammad Yunus Bangladeshi social entrepreneur, banker, economist, and civil society leader. [Foto: Dokumentu UNDP KJFL | 26.11.2018]

UNDP Knua Juventude Fila-Liman Realiza Treinamentu Akampamentu Negosiu Sosial

Liu hosi treinamentu liga ho Akampamentu Negosiu Sosial ba Grupu Resiklazen, participante hosi Centro Sover, Frederico Hornai sente orgulho tanbe bele hetan oportunidade ida ne’e hasae kapasidade konaba negosiu.

Hau orgulho pela primeira vez liu husi Business Model Canvas bele loke hau nia hanoin, oinsa hau bele loke negosiu online, no hau mos sente apresia tebes ho Knua nia programa ida nee bele loke ou fo dalan ba ami juventude ne’ebe mak iha interese atu kria servisu ba ami nia an rasik. Nudar joven hau la lakon vontade atu nafatin iha esperitu negosiu nian lori luta ba desenvolvimentu”, hateten Frederico.

Frederico ho esperança boot hateten lakohi lakon oportunidade nudar joven, atu investe negosiu iha rai laran no kria servisu ba an rasik. Joven barak mak graduadu hosi área oin-oin maibe sira sedauk asesu ba servisu no depende deit ba governu nia vaga serbisu, “dalan diak ita tenke kria seitor privadu, liu hosi negosiu atu nune’e bele redus taxa dezempregu no aumenta emprezario nia servisu ba futuru oin mai”.

Partisipante hosi Huco Youth, Zenita Mesquita Alves, mos sente kontente tanba bele partisipa iha treinamentu refere. Nune’e, nia bele implementa iha grupu HUCO Youth ne’ebe durante ne’e halo atividade resiklazen.

Esperiensia ne’ebe hau hetan sei la hakotu hau nia hanoin no hau sei kontinua fahe hau nia matenek ne’ebe naton ba joven sira ne’ebe mak iha interesse atu kria servisu ba sira nia an rasik”, hateten Zenita.

Zenita nia esperança ba UNDP Knua Juventude Fila-Liman katak kontinua hodi kapasita nafatin juventude sira seluk no rona sira nia lian tanba dala barak joven barak mak iha inisiativa kria grupu oin-oin, maibe sira laiha vantajen ba servisu ekipa.

Knua Juventude Fila-Liman sai hanesan primeiru ponto, hodi haree ba problema hirak ne’ebe mak grupu ne’e hasoru tanba iha Knua servisu foka los ba foinsa’e sira ne’ebe iha interesse ba negosiu. Hau sente ida nee dalan ne’ebe diak, hodi redus konflitu no hatama sira ba iha servisu negosiu nian”, esplika Zenita.

Iha tempu hanesan, Evangelino Magno Da Costa mos haktuir katak liu hosi treinamentu ida ne’e bele enkonraja no motiva nia atu loke negosiu. “Hau sente kontente tebes tamba hau hetan ona dalan ida atu kontinua suporta liuhusi programa Business Model Canvas. Orgulho no apresia tebes tamba Knua produs ona joven barak mak suksesu iha area oin-oin. Hau koko atu motiva joven sira bandidorismo, atu hili sasan ne’ebe uzadu tiha ona, hanesan resiklazen, maibe nia iha valor ne’ebe mak bele oferese benefisiu ba dezenvolvimentu no ami komesa ho negosiu hosi zero”, tenik Evanegelino ho espírito boot.

Evangelito husu ba UNDP Knua Juventude Fila-Liman, hodi azuda joven sira nafatin liuhosi programa inovativu no bele liga diak liutan joven sira nian ba iha merkadu.

Grupu 3R [Recycle, Reuse and Reduce], Danila Maria da Conceicao, hateten ho treinamentu ne’e importante tebes no premeira vez partisipa, oportunidade diak, ne’ebe UNDP Knua Juventude Fila-Liman halo no foka liu ba negosiu.

Hau kontente tebes tanba nudar feto tenke iha esperito voluntariu hodi simu ideas no planu hosi Knua Juventude Fila-Liman, hodi implementa fali iha hau nia grupu 3R”, hateten Danila

Treinamentu Akampamentu Negosiu Sosial halao ba dala walu hetan partisipasaun hosi grupu Negosiu Resiklazen 9, inklui Grupu 3R, Huco Youth, Centru Sover, Flower Recycling, Guilde (Resiklazen Roda Uzado) no foinsa’e sira nebe iha ona idea negosiu, partisipa iha Akampamentu Negosiu Sosial. Objetivu husi formasaun nee atu introduz metodu negosiu sósial ba foinsa’e sira neebe halo negosiu. Total partisipante hamutuk 17, no treinamentu refere hahu hosi 19 to’o 21 Novembru 2018. * [ Ekipa Knua Juventude Fila-Liman | TAFARA.TL | 26.11.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

HUCO Youth: Negosiu Resiklazen, Oportunidade Hanorin Foinsa’e Timoroan Sai Sidadaun Ne’ebe Responsavel.

Lixu nudar problema boot ida ne’ebe bele fo ameasa ba ema no animal, no risku …

Leave a Reply

Your email address will not be published. Required fields are marked *