Monday , June 17 2019
Home / Sosial & Politika / UNE-TL Halo Ekontru Annual, Idelta: UNE Eziste Iha Timor No Mundo Global Hodi Forma Joven
Sekretariu Estadu Joventude e Traballu, Nivio Magalhâes no Presidente UNE-TL, Idelta Maria Rodriguês halo palestra iha enkontru annual UNE-TL. [Foto: Virginia Pereira | 20.01.2018]

UNE-TL Halo Ekontru Annual, Idelta: UNE Eziste Iha Timor No Mundo Global Hodi Forma Joven

“Ohin loron ita lakon ona moral e nune´e mak UNE mosu hodi muda, fo formasaun no korajem ba joven sira liu husi atividades oi-oin e hau fiar husi liafuan ida hau dehan, mundu global halo ita lakon moral sai hanesan inspirasaun hodi inspira ita hotu, hodi husi buat ne´ebe mak negativu”. Idelta

Uniaun Nasional Eskuteiru Timor Leste [UNE-TL] halo enkontru annual ba dala uluk tinan 2018, hodi aprezenta planu annual husi nivel munisipiu to nasional hodi hare ba progresu UNE-TL nian iha Futuru.

Liu husi Primeiru enkontru ne´ebe halao iha edifisiu AlFaeLA Villa-Verde, Sabdu 20/01 ne, tuir Presidente UNE-TL, Idelta Maria Rodriguês hateten, enkontru annual ba tinan 2018 ne´e, UNE-TL apresenta relatoriu no planu ba durante tinan ida ne´e nia laran, husi munisipiu sira to nasional, nune´e mos orsamentu hirak ne´ebe mak durante UNE-TL gasta, hetan apoiu husi SEJD, Gabineti Prezidente da Republika, Gabineti Primeiru Ministru asuntus Sosiedade Sivil, Gabineti Ministeiru Planeiamentu no Parseiru Organizasaun Naun Governamental no Embaxada sira ho montante $160.630

Ohin Konsello Nasional Eskuteiru Timor-Leste apresenta ona relatório ho progresu no dezafiu sira ne´ebe mak durante tinan. Iha oportunidade ida ohin ami atu rona progresu tomak iha tinan kotuk no ami mos sei aprezenta planu annual ba tinan ne´e nian, kada munisipiu ida-idak to iha Konsellu Nasional nianˮ. Dehan Idelta

Entertantu Lider Maximo ne´e katak UNE-TL, haforsa liutan katak UNE-TL ezistensia iha Timor no Mundo Global hodi forma karakter joven nian no halo Soliedaridade hodi Servi Voluntariamente

“Ohin loron ita lakon ona moral i nune´e mak UNE mosu hodi muda no fo formasaun no korajem ba joven sira liu husi atividades oi-oin i hau fiar husi liafuan ida hau dehan, mundu global halo ita lakon moral sai hanesan inspirasaun hodi inspira ita hotu, hodi husi buat ne´ebe mak negativu”, hateten Idelta

Iha fatin hanesan Sekretariu Estadu Joventude e Traballu, Nivio Magalhâes hateten SEJT sei servisu hamutuk ho Uniaun Nasional Eskuteiru Timor Leste hodi hare ba atividades hotu, liu liu liga ba iha formasaun juventude nian, atu nune´e ba oin juventude sira bele mos inklui ba paz no estabilidade no kontribui ba dezenvolvimentu nacional, “ ita hatene katak eskuteiru nia valor importante ida mak servisu voluntariumente para ita mos aprende husi ida ne´e i tamba ne´e mak SEJT hakarak servisu hamutuk no fo apoiu ba atividade UNE-TL nian, husu atu UNE-TL nafatin mantein ho sira nia valores ne´ebe mak iha hodi kontribui ba Dezemvolvimentu Timor Leste”, dehan Nivio

Iha tempu hanesan Vice Presidente Komisariu Eskuteiru Munisipiu Dili, Duarte Amaral informa nia parte hateten sente orgullu ho UNE-TL nia servisu durante ne´e.

Atividade UNE-TL nian iha munisipiu Dili mak dalaruma partisipa iha eventu nasional sira no fo apoi,u hodi servi komunidade ho voluntaria no ba servisu volunatariu hotu, hau orgullu no louva tebes ho UNE-TL nia servisu durante ne´e no iha Planu hau sei esforsu a´an hodi enkaixa atividades eskuteiru nian iha eskola hotu iha Dili laran Liu-liu Sekundariu no Pre-sekundariu sira”, tenik Duarte. *[Hendrique de Jesus & Virginia Pereira | Editor: Zevonia Vieira | 20.01.2018]

 

About Henrique Soares de Jesus

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *