Friday , January 18 2019
Home / Siensia & Teknolojia / UNTL Sai Uma Nain Ba Programa Mobilidade Akademika, Simu Estudantes Hosi Korea
Estudantes hosi Kore hamutuk ho estudante UNTL, rektor UNTL no dosente sira hasai foto hamutuk iha Campus UNTL. [Foto: Henrique de Jesus | 08.01.2019]

UNTL Sai Uma Nain Ba Programa Mobilidade Akademika, Simu Estudantes Hosi Korea

“Programa ne’e ita hala’o ona tinan-tinan, kada tinan ita nian estudante ba iha ne’eba no sira nian mos mai iha ne’e. Tinan uluk ha’u mos partisipa ba iha Korea ne’eba, Sira expilika mai ha’u programa ne’e diak teb-tebes” Francisco Miguel Martins

Tuir Reitor Universidade Nasional Timor Lorosa’e Prof.Dr. Francisco Miguel Martins,M.Hum, hateten programa barak diak tebes laos deit enkoraza estudante sira atu aprende maibe kria mos lasu amizade ida ba estudante parte rua, entre UNTL ho PAS-Korea.

“Programa ne’e diak teb-tebes laos tamba ita enkoraza estudante sira, maibe, sira hatene malu ou koñese malu, sira kria link ba malu tamba sira futuru lideransa. PAS (Pasific Asia Society) ida ne’e atu halibur estudante sira hamutuk no kria amizade ba malu hodi fahe esperensia ka matenek ba malu.PAS mos ho nia objetivu ne’ebe ne’ebe bo’ot liu husi atividade sira ne’e hodi kria pas iha mundu”, hateten Francisco Miguel Martins

Reitor Universidade Nasional Timor Lorosa’e ne’e mos sublina tan katak, Pasific Asia Society (PAS) ne’ebe mak organiza husi estudante Universidade sira iha Korea, hala’o vizita ba Universidade Nasional Timor Lorosa’e. PAS- Korea mos mai ho sira nia programa barak ne’ebe mak iha hodi fahe no aprende hamutuk ho estudante sira iha UNTL.

“UNTL mak nu’udar uma nain simu sira husi Korea, Pasific Asia Society Estudante husi UNTL mos ba Korea no Korea mos mai iha ne’e, atu halo mobilidade Akademika ne’e sira apresenta buat oioin konaba Kultura ninian, Akademika ninian, Metodologia de investigasaun peskiza ninian,” hateten Francisco Miguel Martins

Tuir Xefe Mobilidade Akademika estudante Mateus Navaro hatete hanesan estudante senti kontenti no apresia los ba program ida ne’e tamba bele kria koperasaun ne’ebe diak liu husi atividade hirak ne’ebe aprende hamutuk.

“Programa ida ne’e kapas tebes tamba ami bele halao liña kordensaun diak ho estudante Korea sira liu husi atividade sira ne’ebe ma kami aprende hamutuk, liu husi atividade sira ne’e mos ami bele hatene oinsa aprende ema seluk nia kultura, no ami mos aprezenta ita nia kultura ba sira I iha parte ida mos ne’e ita promove ona ita nia kultura ba mundu”, dehan Mateus Navarro

Nune’e iha parte seluk mos Estudante husi Universidade Nasional Timor Lorosa’e Jelicia de Araújo espera katak estudante sira sei hetan foun ruma husi Mobilidade Akademika ne’e liu husi prosesu ne’ebe mak sira aprende

“Ha’u fiar katak ami estudante hotu ne’ebe mak aprende hamutuk iha ne’e tantu Estudante Korea ka UNTL sei hetan buat balun ne’ebe mak diak, liu hanesan oinsa ami aprende sira nia kultura no Korea sira mos aprende ita nian no hatene respeita difenrensiasaun ne’ebe ida. Tamba husi diferensia hirak ne’e ita bele halo komparasaun entre ita ho sira no mos bele loke ita nia hanoin hodi hadia buat balun ne’ebe presija hadia hodi ba futuru bele sai diak liu tan, laos deit ba personalidade maibe ba mos nasaun”, tenik Jelicia de Araújo. * [ Henrique Soares | Editor: Zevonia Vieira | TAFARA.TL | 08.01.2019 ]

About Henrique Soares de Jesus

Check Also

Youtube Go, Hare Video Youtube ho Poupa Kuota Internet

Youtube hanesan rede sosial ida nebe fasilita ita hodi hare, download no upload video atraves …

Leave a Reply

Your email address will not be published. Required fields are marked *