Tuesday , May 21 2019
Home / Sosial & Politika / Valentino: Hau Garante Maske Ho Rejime Duadesimal, Governu Sei Ezekuta Ho Diak Ba EA
Ministro MAE, Valentino Ximenes halo entrevista ho jornalista sira iha palacio prezidensia. [Foto: Zevonia Vieira | 29.02.2018]

Valentino: Hau Garante Maske Ho Rejime Duadesimal, Governu Sei Ezekuta Ho Diak Ba EA

“Mesmu ho rejime duadesimal, governu ida ne’e kompromete atu ezekuta osan ne’e la ho birokrasia ida naruk, ne’e hau garante”. Valentio Ximenes

Liu hosi sorumutu kona ba preparativus ba eleisaun antesipada, ne’ebe lidera hosi STAE, hamutuk ho Prezidente Autoridade Municipal, RAEOA no Komandante Polisia Municipio hotu.

Liu hosi sorumutu refere, Ministru Administrasaun Estatal, Valentino Ximenes, iha abertura hateten governu esforsu an oinsa mak halao servisu ba eleisaun antesipada ho susesu no diak liutan, ho rekursu minimu ne’ebe mak estadu no governu investe, inklui doador sira ne’ebe mak ho laran kmaan hakarak ajuda prosesu politiku ida ne’e ho susesu.

“Iha munndu ne’ebe deit, kuandu koalia kona ba eleisaun jeral, ita presizamente koalia kona ba prosesu lubuk ida, pelo menus iha hau nia nota iha esperiensia ne’ebe ita halo iha ita nia rai, inkluindu leitura balu ne’ebe mak ita hola husi esperiensia ema rai seluk ninian. Ita koalia kona ba jestaun de eleisaun kona ba oinsa mak ita organiza, oinsa mak ita administra liu-liu oinsa mak ita buka osan, atu bele finansia eleisaun”, hateten Valentino

Valentino haforsa liutan katak, eleisaun antesipada monu los iha momentu ida uza rejime duadesimal, iha difikuldade boot atu investe osan ne’e, maibe ho ezerjisiu boot ne’ebe mak ministeriu ne’e halo, ho apoiu estadu tomak konsege iha osan ida sufisiente, hodi apoio tekniku eleitoral. Governu garante osan atu halo eleisaun ida ne’e, husi inisiu preparativus to fim.

“Portantu ita iha osan garantidu, mesmu ho rejime duadesimal, governu ida ne’e kompromete atu ezekuta osan ne’e la ho birokrasia ida naruk, ne’e hau garante”, hateten Valentino.

Ministrua MAE husu ba Administrador sira, Prezidente autoridade sira, inklui apoio hosi komandante polisia iha municipio, atu bele apoia sekretariu tekniku eleitoral ho orsamentu sufisiente, atu Timor bele halo nia eleisaun ne’ebe ho suses boot

Iha sorin seluk, repr Chief Technical Advisor Electoral Project UNDP TL , Andres Del Castillo Sanchez, hateten UNDP sei apoio prosesu eleitores iha Timor-Leste ne’ebe hahu hosi 1999 to agora, UNDP konsidera eleisaun prosesu ne’ebe importante ba konsilidasaun demokrasia iha Timor-Leste, “ami la iha projetu boot hanesan uluk, maibe ho ami nia projetu, ami sempre prontu ba apoia inisiativa husi Ministeriu Estatal.

Andres mos informa katak governu ho povu Japaun, governu ho povu Korea mos fo apoio tomak ba prosesu eleisaun, liu hosi atividade edukasaun sivika, tanba importante hodi prepara eleitore sira ba eleisaun antesipada. *[ Emanuel A. De Araujo | Editor: Zevonia Vieira | TAFARA.TL | 23.02.2018 ]

About Emanuel Andrade

Check Also

Governu Japaun Inagura Renovasaun Eskola Hospitalidade no Turismo, Minami: TL Presija Rekursu Umanu Kualifikadu Iha Area Turismo

“Atu bele atrai turista internasional, Timor-Leste presija investe maka’as liu iha setor infrastrutura, atu bele …

Leave a Reply

Your email address will not be published. Required fields are marked *