Tuesday , April 23 2019
Home / Sosial & Politika / Veteranu no MKOTT Selebra Vitoria Negosiasaun Tasi Ketan
Veteranu no MKOTT Selebra Vitoria Negosiasaun Tasi Ketan. [Foto: Ato 'Lekinawa' Costa | 06.03.2018]

Veteranu no MKOTT Selebra Vitoria Negosiasaun Tasi Ketan

Veterano ho MKOTT hamutuk ho reprezentante veteranu hosi Australia selebra vitoria negosiasaun Tasi Ketan Timor-Leste nian.

Iha selebrasaun simplis ne’e, reprezentante sira hato’o agradesementu ba povo Timor-Leste, komunidade internasional, governo Timor-Leste no Australia, no espesialmente ba Kayrala Xanana Gusmao ho ninia ekipa, mak lidera ona negosiasaun ne’e to’o susesu.

Koordenador Task Force Veterano nian, Vasco ‘Criado’ da Gama, hato’o liafuan agradesementu ba entidade hotu-hotu mak luta ona ba determinasaun fronteira maritima. Nia mos dehan katak luta ba Fronteira Maritima ne’e mos hetan apoio maka’as hosi veteran Australia sira no mos povo Australia. Iha ninia lian makloke temi mos agradesementu ba Governo Australia tanba iha fuan bo’ot hodi hakat ba negosiasaun ho Governo Timor-Leste. Vasco mos hato’o kongratulasaun ba Maun Bo’ot Kayrala Xanana Gusmao ho ninia ekipa mak halo tiha ona servisu maka’as hodi lori susesu ba Timor-Leste. Liafuan hirak ne’e hato’o iha selebrasaun hamutuk hosi Veterano ho MKOTT, reprezentante veteranu hosi Australia ba vitoria negosiasaun Tasi Ketan Timor-Leste nian iha, Museu Resistensia, ohin 6/02.

Representante Frente Diplomatika uluk, Ines Almeida, mos hato’o ninia agradesementu ba grupo solidaridade sira iha Australia, inklui Timoe Sea Justice Campaign, mak halo tiha ona asaun solidaridade sira hodi fo apoio ka kauza Timor-Leste nian. Ines hatete, “grupo solidaridade sira nunka para hodi eziji ba governo Australia hosi respeitu Timor-Leste nia soberania.”

Koordenador MKOTT, Juvinal Dias, iha ninia liafuan agradesementu, hato’o ba povo Timor-Leste ba apoio ne’ebe fo ona ba negosiasaun ida ne’e. Juvinal Dias hatete, “agradese mos ba grupo solidaridade iha Estadus Unidus Amerika, ETAN, ne’ebe apoio Timor-Leste hosi kedas tempu Masakre St. Cruz to’o luta fronteira maritime nian. Maluk solidaridade sira hosi Indonesia, Filipina, liu hosi Gus Miclat, no mos kolega solidaridade sira iha Malaysia mak fo ona apoio solidaridade ba luta fronteira maritima nian.”

Selebrasaun ne’e halo loron ida antes de akordu konsiliasaun asina iha Nova Iorke, 6 Marsu 2018. Tuir nota imprensa ne’ebe hasai hosi Komisaun Konsiliasaun ONU nian, Akordu ne’e sei asina aban, no sei asisti hosi Sekretariu Jeral ONU, Antonio Guterres. * [Ato ‘Lekinawa’ Costa | TAFARA.TL | 06.03.2018 ]

About Fernando Antonio da Costa

Fernando António da Costa, konhesidu ho Ato "Lekinawa", iha TAFARA.TL nudar General Manager & Editor, no mos hamutuk ho Metódio Caetano Moniz & Zevonia Vieira funda media online TAFARA.TL.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *