Friday , January 18 2019
Home / Opini / Veto Ne’e Poder Controla Ida Hosi Presidente da Republica
artigu nain Zenatu Zeneves, Estudante Fakuldade Direito UNTL. [Foto: Dokumentu Privadu | 13.12.2018]

Veto Ne’e Poder Controla Ida Hosi Presidente da Republica

Bainhira ita koalia kona-ba instituto juridico veto, dalaruma ita hanoin tanba saida Presidente da República tenke veta atus normativus (actos normativos) hosi órgaun seluk liu-liu hosi Parlamento? Dalaruma ita sai hirus tanba ita-nia intrese polítika labele realiza! Dalaruma mós ita hirus tanba prosesu dezenvolvimentu la la’o, marka pasu!! Tanba la hetan legitimasaun jurídika. Maibé ida ne’e hotu konsekuénsia hosi prinsípiu separasaun poder nebe ita adopta hanesan ita nia prinsipiu estado direito demokrátiku. Konsekuénsia ida ne’e la´ós negativa maibé positiva ba ita nia-sistema politika no jurídika nebe sei jovem.

Kestaun sira hanesan ne’e atu lori ita hodi loke fila fali De l’Esprit dês Lois, Montesquieu. Tanba ho ideas ida ne’e mak ita koñese ideias separasaun poder ne´ebé hanesan ideias Estado modernu nian mak ita adopta. Iha ideias separasaun poder, ita mós koñese ideias hanesan checks and balances ne´ebé manifesta iha Institutu Jurídiku ida ne’e.

Portanto iha kontesto ida ne’e mak Katuas Xanana mos defende ita nia sistema Semi Presidencialismo hodi hateten katak “Eu na altura defendi o semi-presidencialismo. Não tendo embora muito material para me esclarecer, mas pensei que o semi-presidencialismo era o melhor. Tem tudo um conceito check and balance. Para evitarmos qualquer coisa que viesse a acontecer. Foi isso…”(Rui Graça Feijo,27).

Ho espíritu De l’Esprit dês Lois ida ne’e mak atribui kompeténsia ba kada órgaun soberania hodi ezerse, sé mak prodúz acto normativos infra-konstitusionais no sé mak atu konfirma aktus sira-nia parametru konstitusionál. Iha kontestu ida ne’e mak Konstituisaun atribui produsaun actos normativos ba orgão legislativa e ezekutiva. No atribui rezerva kontrolu ba órgaun seluk hanesan Prezidente da Repúblika (PR) no Tribunál Konstitusionál.

Atribuisaun kompeténsia hirak depende ba natureza organizasionál ne´ebé Konstituisaun fó kompeténsia ba, hanesan Supremo Tribunal de Justiça no PR. Ba PR Konstituisaun atribui kontrolu actos normativos sira tanto poder de controlo formál no material. Ou iha doutrina Alemãna koalia kona-ba rechtliche prüfungsbefugnis katak poder ida ne’e indiskutível (Canotilho, 625).

Dalan konstitusionál ne´ebé mak Presidente da Repúblika bele uza mak liu hosi fiskalizasaun preventiva ba Supremo Tribunal de Justiça bele mós liu hosi institutu juridíku veto. Liafuan hirak ne’e mós la´ós ona buat foun ba ita tanba ikus-ikus ne’e konjuntura polítika halo ita rona beibeik. Maske ita koñese ona liafuan ida ne’e maibé atu hatete deit katak veto hanesan institutu jurídiku ne´ebé rekuza, impede, fiskalizasaun órgaun ida (PR) ba órgaun seluk hodi impede acto normativo ida ne´ebé órgaun seluk prodúz labele prodúz efeitu exterior (Jorge Miranda, 283).

Instituuo ida ne’e konstitusionalmente atribui kompeténsia ba Prezidente da Repúblika hodi ezerse. Kompeténsia ida ne’e, konstituisaun atribui direitu veto polítiku ne´ebé ampliar ho própriu méritu no oportunidade polítika iha medidas legislativa. Doutrinariamente alude iha kontestu ida ne’e direitu polítiku material de controlo (sachliches prufungsresht). Tanba ne’e verdadeiro direitu, ne´ebé impoin PR iha obrigasaun veto kuandu projetu lei ka proposta lei la tuir ona rekizitu formál no materiál tuir Konstituisaun.

Aleinde ida ne’e, ho efeitu hosi De l’Esprit dês Lois mós atribui faculté de statuer, faculte d’empêcher, antecipando, dessarte, técnica freios e contrapesos (apud, André Corrêa de Sá Carneiro, o veto parcial no sistema constitucional brasileiro, BONAVIDES, Paulo. Ciência Política. 12. ed. São Paulo: Malheiros, 2006). Ho nune’e bainhira Presidente da Republica utiliza veto hodi refrear determinado projetu lei ka proposta lei, iha konstestu ida ne’e mak Prezidente usa faculte d’empêcher atu nune´e prepozisaun hirak ne’e labele transforma sai lei.

Ho hanoin hirak iha leten maka, iha direitu konstitusional konsidera veto hanesan poderes de controlo da ação legislativa dos demais órgãos de soberania presidente da Republica nian (Pedro Bacelar,299). Poder ida ne’e hanesan direitu prerrogativu Presidente da República nian ne´ebé sei la iha obstante. Maibé nia ezersísiu poder ida ne’e tenke fundamenta. Iha espresaun direitu konstitucionál fundamentasaun ba veto ba buat rua ida mak veto ba inkontitusionalidade ka veto ba inkonveniênsia (apud, André Corrêa de Sá Carneiro, O veto parcial no Direito Brasileiro, FERREIRA FILHO,. Revista de Direito Público, v.4, n.17, p.33-37, jul./set. 1971).

Iha kazu dahuluk, PR veta projetu lei ka proposta lei haree liu ba kestaun parámetru konstitusionál ne´ebé iha relasaun ho formalidade no matéria. Iha kazu daruak, PR nia motivu ne´ebé eminentemente polítiku tanba iha kontestu ida ne’e PR nia analiza ba vantajen e desvantajen. PR mós avalia matéria ne´ebé trata iha projetu lei ka proposta lei la kontradiz ho interese públiku.

Manifestasaun elementu fundamentasaun hirak ne’e iha Direitu Konstitusionál Timorense nian mak kontrolu polítiku no kontrolu jurídiku. Iha kontestu ida ne’e poder kontrolu ne´ebé mak importante liu mak kabe ba PR mak direitu veto ba kualker diploma legislativu ne´ebé art. 85.° hosi Konstituisaun haktuir. Iha artigu ida ne´e labele trata hanesan buat antagóniku, mas hanesan kontrolu polítiku efetivu ba asaun órgaun sira ne´ebé mak iha kompeténsia legislativa. Kontestu ida ne´e la´ós regido tanba iha ita-nia ábitu konstitusionál fó biban órgaun seluk hodi haree fali parámetru konstitusionál.

Iha sorin seluk, poder kontrolu jurídiku iha art. 85.° hosi Konstituisaun, haktuir katak Presidente da Repúblika iha kompeténsia atu promulga diplomas lejislativus no ordena nia publikasaun kona-ba aktu normativu sira hanesan leis, dekretu lei no rezolusaun Parlamento Nacional ne´ebé aprova no ratifika tratadus no konvensaun internasionál sira.

Iha kontestu ida ne’e Konstituisaun atribui kompeténsia ba Presidente da Republika hodi halo rekerimentu ba Supremo Tribunal de Justiça hodi hetan apresiasaun preventiva no fiskalizasaun abstrata ba konstitusionalidade normas sira hanesan verifikasaun ba inkontitusionalidade ho omissaun (art. 85.°), mas bele akontese mós prezidente veta direta sem ezerse kompeténsia ida ne’e. Maske poder kontrolu ida ne’e iha maibé iha superasaun ba veto prezidencial ka veto iha kazu tanba inkonstitusionalidade.

Kondisaun ida ne’e, konstituisaun rezerva ba Parlamentu Nasionál, haktuir iha art. 149.°, n.° 4, ne´ebé impoin aplikasaun nesesáriu adaptasoens iha art. 88.° mezmuké la rezulta nesesariamente formalizasaun literal, haktuir iha art. 149.°, ho maioria razaun maibé iha kontestu ida ne’e konstitusionalmente ezije maioria de dois terços deputados sira ne´ebé mak prezentes, desde que superior maioria absoluta deputadu sira ne´ebé mak efetivu hala’o nia funsaun hodi konfirma diploma julgadu inconstitusionál preventivamente (Pedro Bacelar, 299).

Ideias prinsipal veto mak, atu kontribui ba lei sira ne´ebé mak órgaun legislativa sira prodúz hodi ordena sosiedade ne´ebé ho autoridade no legitimidade boot liu, tanba órgaun estadu sira-nia konkordánsia intersubjetivu (Habermas). Konsensu ida ne’e iha tanba órgaun soberania sira liu-liu Presidente da Republica, Parlamento no Governo iha entendimentu hanesan relasiona ho parámetru konstitusionál.

Ho nune´e bele iha poder komunikativu hodi hetan obidiénsia sosiál hosi sosiedade ba lei sira ne´ebé mak órgaun sira konsensu ba. Seluk mak ho ideias hirak ne’e bele ezerse kompeténsia kontrolu interorganiku seja organika no formal, seja merito ka simplesmente hanesan reponderasaun ida ho razaun sira determinante husi legisladór (Jorge Miranda, 282).

Ikus liu, iha nasaun balu komesa iha hanoin oinsá mak Institutu Jurídiku veto nia aplikasaun iha prátika labele akontese abuzu poder veto. Ho hanoin ida ne’e mak iha nasaun balu hanoin aplikasaun Institutu Jurídiku veto parsiál. Institutu Jutídiku ida ne’e doutrinariamente eziste hanesan tuir Jorge Miranda, iha nia ideias konstitusionál hateten katak veto asume multiplas konfigurasaun. Iha kontestu ida ne’e nia hateten katak objetu veto ne´e bele parsiál ka total. Signifika veto bele total maibé bele mós parsiál ba projetu lei ka proposta lei. Ho nune PR iha opsaun no la dilema hodi exerse nia direito veto.

Ho ezistensia doutrinaria hanesan ne’e mak iha nasaun balu aplika Institutu Jurídiku ida ne’e la´ós deit veta totál maibé parsiál mos. Porezemplo Estadus Unidus hanaran item veto ou selective veto iha sira nia Konstituisaun Federal, relasaun ho Orsamentu Jerál Estadu nian. Aleinde Estadus Unidus, iha mós Argentina, Mexico no Brasil. Karik mikrokomparasaun ida ne’e bele hamosu public discourse ida hodi bele loke debate kona ba Institutu Jurídiku veto parsiál iha ita nia Ordenamentu Jurídiku.

Ho hanoin katak bele sai opsaun ba Kualker xefe Estadu Timor-Leste iha nia ezersísiu poder prerrogrativu ida ne’e, liu-liu relasiona ho Orsamentu Estadu nian. Atu nune´e, Estado labele monu hela deit ba impasse politika tanba deit Orsamentu Estadu la hetan promulgasaun husi PR no konfirmasaun voto la to’o 2/3. * [ Zenatu Zeneves | Estudante Fakuldade Direito UNTL | TAFARA.TL | 13.12.2018 ]

 

About Other Source

Check Also

Hakotu Siklu Violensia no Dezenvolve PNTL, Halo Tuir Rekomendasaun CHEGA!

Timor-Leste kontinua monu ba hahalok violasaun dereitus umanus. Membru Polisia Nasional Timor-Leste (PNTL) ne’ebe mak …

Leave a Reply

Your email address will not be published. Required fields are marked *