Wednesday , June 19 2019
Home / Eleisaun Parlamentar / Vice Prezidente Alice: PUDD Ukun Sei Harii Ministeriu Defisiente
Vice Prezidente Orgaun Feto, Alice de Fatima Noroinha halo intervista ho jornalista TAFARA.ORG.[Foto: Luis Soares TAFARA.TL | 14.07.2017].

Vice Prezidente Alice: PUDD Ukun Sei Harii Ministeriu Defisiente

PUDD mak Besik liu povu defisiente, tane dignidade as, tau prioridade ba feto maluk sira, prepara sai lideransa ne’ebé diak ba nasaun TL , no investe tais tane identidae kultural.

Vise Prezidente I Orgaun Feto, Partidu Unidade Dezenvolvimentu Demokratiku (PUDD) Alice de Fatima Noroinha hatete, ba Jornalista TAFARA.ORG iha Tasi tolu sesta 14/072017. Partidu PUDD Ukun sei harii mós Ministeriu Defisiente ba sira, tanba agora ita ladun haree defisiente sira besik iha kantor, Partidu PUDD mak besik liu ba defisiente, hodi haree ba sira nia preokupasaun moris defisiente.

“karik partidu PUDD ukun sei hamutuk ho sira, halo sira nia programa, husu ba sira mak halo programa, se ita normal mak halo programa, sira halo tuir ka lae? ho ida ne’e Partidu PUDD sekarik manan programa defisiente, sei husu ba maluk defisiente sira mak elavora sira nia progra rasik”, dehan Alice.

Alice mos esplika katak programa ba kapasitasaun feto mos presija hare ho klean, oinsa mak feto nia partisipasaun sai lideransa ne’ebé di’ak, iha área hotu-hotu, tanba partisipasaun feto menus liu 30% iha servisu fatin.

Tuir programa PUDD katak sei fo prioridade ba programa feto, hanesan sei for formasaun lideransa, hahu hosi area rural no to’o nasional, hodi nune’e prepara sira nia mentalidade di’ak ba aban-bainrua, tanba sira mós sai lideransa ne’ebé forte, lideransa ne’ebé iha kapasidade, atu bele kaer kargu ba lideransa nian.

Entertantu Vise Prizidente Partidu Unidade Dezenvolvimentu Demokratiku (PUDD), Gaspar Afonso defisiente matan hateten, liu-liu maluk defisiente sira katak partidu barak la involve ema ho difisiensia. Ho nune’e Vise Prezidente PUDD, hateten se imi hakarak, ema labele bolu imi ho alezadu, ne’e diskriminasaun ida, ema so haree de’it ema nia kondisaun laharee ita nia potensialidade, maibé Partidu PUDD mak akumula ema hotu.

Vice Prezidente Gaspar, promote ba povu sira karik, “imi fo fiar hau sei halo buat ida ba ita defisiente sira, se hau la halo mak hatun tia hau, hili ema seluk, Partidu PUDD mak hamaluk ita hotu la’os ema seluk, ema seluk ne’e mai lohi de’it, se imi vota minute ida sala, sei terus timan lima”.

Iha Parte seluk maluk ho difisiensia, Tomas Batumali, husu ba PUDD sekarik manan tane as dignidade difisiente.

“Ami la husu buat di’ak mai ami nia moris di’ak, ami husu tane ami defisiente nia dignidade, tanba ami mós sidadaun timor-oan maski ami defisiensia maibé ami nia dereitu mós hanesan sidadaun sira seluk. Halo Lei atu sidadaun sira respeita ami defisiensia, tanba sira ignora ami ho lia-faun sira ke ladi’ak ba ami nia moris, dehan ami matan delek, folin laiha, bulak, liman aat, ain aat, maibe ami nia neon sei funsiona atu halo saida mak ami bele halo”,dehan defisiente Tomas.

Kampaña PUDD hetan Observasaun direta husi observador Internasionál, PDHJ, CNE,STAE no seguransa PNTL.* [Luis Soares |TAFARA.TL | Editor: Zevonia Vieira | 14.07.2017].

About Luis Soares

Luis Soares, Jornalista TAFARA.TL desde tinan 2015 ate a data.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *