Friday , August 17 2018
Home / Sosial & Politika / VIII Governu Konstituisional Aprova ona Lei Organika
Ministro de Estado e da Presidênsia do Conselho de Ministros, Agio Pereira.[Foto: copyright google | 25.07.2018]

VIII Governu Konstituisional Aprova ona Lei Organika

Konselho Ministru realiza reuniaun extra ordinaria, hodi deskuti asuntu Lei organika VIII Governu nian hodi aprova nudar matadalan ba VIII Governu. Tuir Ministro de Estado e da Presidênsia do Conselho de Ministros, Agio Pereira katak lei organika ne’e lori tempu naruk, hodi deskuti no ohin loron bele finalize.

“Ohin ne’e reuniaun extra ordinariu ida konselhu Ministru nian, hare’e asuntu ida deit organika VIII Governu Konstituisional Nian. Ne’ebe halo diskusaun kleur no klean dala barak ona. Ohin mak finaliza ho konkordansia hot-hotu nian”, explika Agio 24/07.

Ministru Agio akresenta liu tan katak, Lei organika ne’e importante hodi klarifika estrutura VIII Governu nian.

“Organika ne’e importante tamba nia klarifika organizasaun estrutural VIII Governu nian ne’e sei impaktu mos planeamentu orsamentu geral 2018 no orsamentu tinan-tinan ne’ebe mai to’o 2023″, hateten Agio

Tuir agenda ohin loron 25/07, Lei Organika refere entrega ba Prezidente da Republika, hodi hetan aprovasaun. * [ Jesuino Marcal de Jesus | Editor: Zevonia Vieira | TAFARA.TL | 25.07.2018 ]

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

SEKOMS Halao Enkontru Ho HAK, Hodi Rona Avaliasaun Area Komunikasaun Sosial

“Komunikasaun entre instituisaun governante sira ba nia povu la dun lao diak, entaun povu rasik …

Leave a Reply

Your email address will not be published. Required fields are marked *