Saturday , April 20 2019
Home / Sosial & Politika / VIII Governu Konstitusionál Sei Kontinua Kompleta Nia Kompozisaun
Prezidente PLP, Taur Matan Ruak halo entrevista ho jornalista sira. [Foto: Zevonia Vieira | Outubro 2017 ]

VIII Governu Konstitusionál Sei Kontinua Kompleta Nia Kompozisaun

Maske iha dia 22/06/2018 Membru VIII Governu Konstitusionál balun hetan ona posse husi Prezidente Repúblika Demokratika Timor-Leste, Frascisco Guterres Lu-Olo, maibé kompozisaun VIII Governu ladauk kompleitu.

Problema ne’e akontese tamba lista membru VIII Governu Konstitusionál ne’ebé Prezidente Republika fiskaliza, individu balun kansela tamba kazu iha tribunal.

Nune’e ohin (Tersa-feira, 26/06/2018) Primeiru Ministru VIII Governu Konstitusionál, Taur Matan Ruak hasoru malu ho Prezidente Republika, Frascisco Guterres Lu-Olo hodi koalia kona-ba tranzisaun membru Governu sira ne’ebe seidauk hetan pose. Entretantu iha diskusaun entre Chefe Governu no Chefe Estadu ne’e ladauk iha rejultadu tamba seidauk iha diskusaun ida ne’ebé klean, no sei hein Prezidente Republika fila husi Indonézia mak haree fali asuntu ne’e.

“Hasoru malu ida ne’e koalia kona-ba tranzisaun membru Governu sira, membru governu ne’ebe seidauk toma pose. Seidauk iha diskusaun ida ne’ebe klean no sei hein Prezidente fila fali husi nia visita ofisiál iha Indonesia foin haree fali asuntu ne’e,” dehan Taur Matan Ruak.

Ba jornalista sira Primieru Minustru VIII Governu Konstitusionál, Taur Matan Ruak  informa, sei mantein lista ne’ebe mak haruka antes ba Prezidente Republika hodi haree ba tomada de pose segundu nian.* [Jesuino Marçal de Jesus | TAFARA.TL | Editor: Martinho Moniz | 26.06.2018].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *