Tuesday , May 21 2019
Home / Eleisaun Parlamentar / Vitorina:Triste PARPOL Seidauk Ko’alia Konaba Ema ho Defisiensia
Ema ho Difisiensia. [Foto: UNDP Timor-Leste]

Vitorina:Triste PARPOL Seidauk Ko’alia Konaba Ema ho Defisiensia

Kampania parpol tama ona ba semana ikus, maibe to’o oras ne’e seidauk iha programa parpol ida mak ko’alia konaba ema ho defisiensia. Ema ho difisiensia nudar asumtu komum.

Hatan ba preukupasaun ne’e, Alberto Aleixo (28), nudar ema ho defisiensia, ne’ebe enfrenta problema matan ba jornalista TAFARA.TL esplika katak, kampanna politika ne’ebe partidu sira halo ne’e mesak diak, maibe bainhira lidera, keta haluha tau prioridade ba ema ho defisiensia hanesan sidadaun ida.

“Ami la partisipa direta kampanna politika, maibe ami akompania husi media, iha ne’eba parpol sira iha programa ne’ebe diak, sira nia kampania politika mos diak, maibe husi ami mak,sekarik sira kaer ukun iha governasaun ida periudu 2017-2022 keta haluha mos konsidera ami mos hanesan sidadaun Timor, asumtu defisiensia nu’udar asuntu komum”,dehan Alberto iha nia servisu fatin Bekora, Dili (13/07).

Alberto hatutan katak periodu governasaun  sempre troka, maske sira tau importansia hanesan maibe governu seidauk preve orsamentu ne’ebe espesifiku ba iha asumtu difisiente nian, tanba ema ho defisiensia vurneravel liu sira seluk.

Iha fatin hanesan Vitorina`Sarmento Savio(35) ne’ebe enfrenta problema matan kuaze tinan 11 ona, hato’o komentariu relasiona ho promesa partidu politika sira nian ne’ebe sempre hato’o iha tempu kampaina

“Se karik partidu politika ne’ebe ukun iha tinan 5 oin mai, tenke tau importansia ba ema ho defisiensia liuliu iha tipu matan, tanba ami tipu matan ne’e difikuldade kuandu atu asesu ba edukasaun. bainhira sira ukun, mekanismu ida ne’ebe diak ba ema ho defisiensia matan no mos sira seluk hodi partisipa iha edukasaun”, dehan Vitorina ba jornalista TAFARA.TL.

Vitorina sentetriste tanba parpol sira nia programa seidauk koalia konaba ema ho defisiensia, no parpol so halo promesa ba setor seluk.

Nune’e mos Jacinto Pereira(28) ne’ebe infrente problema matan wainhira sei tinan tolu, ba jornalista TAFARA.TL, Jacinto hateten partidu sira promete tenke mantein no implementa.

Hau hakarak husu ba parpol balun mak kaer governu, tuir mai tenke tau importansia masimu ba ami ho defisiensia” rekomenda juventude ho defisiensia ne’e ba parpol ne’ebe sei lidera governu ba periudu 2017-2022.

Entertantu Paulina Soares (30)hanesan nia kolega sira seluk ne’ebe problema ho matan. Paulina sofre matan nainhira nia tina neen, ba jornalista TAFARA.TL hateten, hanesan defisiensia matan ida nia rekomenda ba parpol ne’ebe atu kaer ukun sira tenke realiza saidaa mak sira promote ona

“Sira mos tenke tau importansia ne’ebe espesifiku ba ema ho defisiensia, tanba ema ho defisiensia seidauk hola parte masimu iha edukasaun”,konfesa Paulina.

Sensus 2015 indika katak ema nain 38,118 ka 3,2% hosi populasaun tomak maka iha difisiensia iha Timor-Leste.

Governu Timor-Leste foti ona etapa importante balun atu mantein ema ho difisiensia nian dirietu. Iha Timor-Leste eziste Planu Nasional ba Inkluzaun no Promosaun ba Direitu Ema ho Difisiensia, no mos iha Planu Asaun Nasional ba Ema ho Difisiensia ba tinan 2014-2018, maibe ida ne’e sei aprovasaun formal husi governu Timor-Leste.

Espera liu hosi governu foun bele implementa ona planu asaun ba ema ho difisiensia sira, atu nune’e sira bele goza moris nudar sidadaun, tuir Lei konstituisaun haruka.*[Gilberto Soares | TAFARA.TL | Editor: Zevonia Vieira | 13.07.2017].

About Gilberto dos Santos

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *