Saturday , November 17 2018
Home / Ekonomia & Bisnis / WorldFish iha TL Realiza Forum Peskador Feto, Agustina: Feto nian Knaar Iha Peskas Importante Hodi Harii Ekonomia
peskodar feto ho bero hodi buka ikan iha tasi. [Foto: copyright google | 19.10.2018]

WorldFish iha TL Realiza Forum Peskador Feto, Agustina: Feto nian Knaar Iha Peskas Importante Hodi Harii Ekonomia

Forum Peskador Feto ho objetivu atu fasilita prosesu fahe esperiensia entre feto sira hosi teritoriu tomak, no hodi prepara deklarasaun consensus hodi aprezenta iha Forum Nasional Peskas [FNP]

Forum Peskador Feto ne’ebe realiza iha loron 15/10, organizador prinsipal ba Forum Peksas Feto, hosi WolrdFish, Agustina Duarte hateten liu hosi konsultasaun ne’ebe ekipa sira halo, hatudu katak feto sira nia knaar iha harii ekononia, liu hosi seitor peskas nian boot no krusial, maibe benefisiu potensial bele sobu tanba falta oportunidade, “ami hein katak Estratéjia Peskas Nasionál sei bele tulun hodi hatán ba ida-ne’e”.

Iha tempu hanesan Xefe Peskizador hosi WorldFish iha Timor-Leste, Dr. David Mills, hateten globalmente ikan nudar fonte nutrisaun importante, mikronutriente sira ne’ebé disponivel hosi ikan bele kontribui barak hodi hadi’ak sub-nutrisaun iha Timor-Leste, liuliu ba labarik sira.

“Maske timoroan sira ladún han ikan barak, daudaun ne’e ami servisu hamutuk ho governu no doadór internasionál sira atu identifika dalan di’ak liu hotu, hodi hasa’e rekursu peskas no konsumu ikan nian”, hatete Dr David Mills.

Iha tempu la hanesan, liu hosi Forum Peskas Nasional ne’ebe realiza iha loron 16/10, Ministru Agrikultura no Peskas [MAP], Juaquim José Gusmão dos Reis ba jornalista sira hateten, governu perpara hela planu ba prosesu oinsa atu maneza peskadore sira atu bele koidadu mos meio ambiente iha tasi laran, tanba plastiku sira ne’ebe naklekar iha tasi laran bele fo impkatu ba anima sira iha tasi laran no sei la fo benefisiu ba peskador sira, no mos impaktu negativu sei daet ba konsumedor ikan sira.

Ba jornalista sira Ministru Juaquim mos hateten katak peskas illegal sira ne’ebe dala barak sei halo movimentu iha tasi Timor, bele fo impaktu ba peskador lokal sira.

“Peskador sira mos hato’o sira nia informasaun ne’e ba iha parte kompetente no ami mos halo seguransa masimu ona iha tasi laran tantu tasi feto ka tasi mane”, dehan Joaquim. * [ Zelia Ximenes | Editor: Zevonia Vieira | TAFARA.TL | 19.10.2018]

About Zelia Ximenes

Check Also

Estarda Ne’ebe Hadia Ona, Tulun Komunidade Hodi Asesu Ekonomia no Eskola

“Antes ne’e estrada seidauk hadia, loron ida hau tunu paun saku ida deit, maibe depois …

Leave a Reply

Your email address will not be published. Required fields are marked *