Tuesday , March 26 2019
Home / Sosial & Politika / Xanana: Hau Laos Membru Governu, Agio Mak Tenke Hatama Relatoriu
Prezidente CNRT, Prezidente PLP, Prezidente KHUNTO asina no aprova lista AMP ba eleisaun antesipada. [Foto: Jesuinho de Jesus Marsal | 16.03.2018 ]

Xanana: Hau Laos Membru Governu, Agio Mak Tenke Hatama Relatoriu

“Hau sei konvoka reuniaun atu koalia kona ba bainhira mak ekipa negosiador sira atu entrega relatoriu no akta sira ba governu, hau iha direitu para atu husu”. Marí Alkatiri

Xefe Negosiador Prinsipal, Xanana Gusmao sei la aprezenta rezultadu negosiasaun fronteira maritime durante fulan 6 resin nia laran. Liu hosi konferensia imprensa, Xanana Gusmao hatoo ba jornalista sira iha sede CNRT, 16/03 katak, laiha kbiit atu halo relatoriu ba VII Governu Konstituisional tanba laos membru governu.

“Hau laos membru Governu, iha ekipa ba negosiasaun uluk kedas iha Ministru ita bolu dehan agente de Timor-Leste maka reprezenta Governu iha VII Governu ne’e Ministru Adjuntu ba Primeiru Ministru Ermenegildo Pereira nudar Agente nia mak bele halo ba VII Governu”, tenik Xanana.

Tuir Xanana nia hanoin katak, portavos VII Governu karik la dun hatene nia prosesu,“Portavoz VII Governu husu hau la aprezenta relatoriu, Portavoz ne’e la hatene prosesu ne’e tamba Primeiru VII Governu mos sei la husu mai hau, nia husu ba nia Ministru Adjuntu ba Primeiru Ministru iha Negosiasaun Fronteira Maritima”.

Iha konferensia imprensa ne’e mos xefe negosiador ne’e afirma konaba tanba sa mak Xanana la ba asina? Xanana esklarese katak tanba laos membru governu, “hau ba serbisu hodi manan, laos hodi ba asina.

Iha parte sorin Primeiru Ministru, Dr. Marí Alkatiri esplika ba jornalista sira iha CCD, iha loron kongresu RENETIL, katak sei konvoka reuniaun atu koalia kona ba bainhira mak ekipa negosiador sira atu entrega relatoriu no akta sira ba governu, “hau iha direitu para atu husu”. *[ Jesuinho de Jesus Marcal | Editor: Zevonia Vieira | TAFARA.TL | 17.03.2018 ]

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *