Wednesday , June 19 2019
Home / Eleisaun Parlamentar / Xanana: Problema Veteranus Tenke Resolve, Konselho Veteranus Iha Municipio Hotu
Prezidente partidu CNRT no Prezidente PLP iha kampanna abertura iha Ainaro. [Foto: copyrigct Facebook Sege mata | 10.04.2018]

Xanana: Problema Veteranus Tenke Resolve, Konselho Veteranus Iha Municipio Hotu

“Mudansa ba ita nia vida, ita nia moris mai husi ita nia servisu, liu husi ita nia badinas, mai husi ita nia unidade, tanba ne’e momentu diak, ita atu haree ida kotuk, hodi harii, tau iha fatin, rekonnese inan aman sira nia terus, familia sira nia terus, iha kontribuisaun ba ita nia nasaun no haree ba oin dezenvolve ita nia rai fo moris diak ba ita nia oan sira”.TMR

Aliança Mudança para o Progresso [AMP] ne’ebe kompostu hosi partidu CNRT, PLP no KHUNTO halao kampanna abertura iha municipio Ainaro, liu hosi kampanna refere Prezidente partidu CNRT, Xanana Gusmao hateten kona ba veteranus to’o 2023 Problema veteranus sira tenke resolve, veteranus sira, konbatentes sira hotu, AMP sei esforsu an atu iha municipio hotu, konselho veteranu sira iha, hodi bele rekolla hasae netik foto, hasae netik suratahan ida hodi dehan, hodi rekonnese netik nia partisipasaun, “ohin ita koalia 24 anos, ita manan funu ne’e, ne’e luar biasa, tanba ita la hetan apoiu husi liur”.

Xanana hatutan katak AMP fahe tiha on aba iha municipio sira, kuadrus to iha posto administrativus, manual politiku programa AMP mos ba municipio tomak.

Partidu tolu neíe enkuantu estadu sei nune hela, hamutuk hametin nasaun, estadu Povu tomak, povu tomak komponentes oioin, sosiedade sivil, sektor privadu, intelektuais, intra agrikultotores, peskadores, hamutuk maka dehan ne’e povu no estadu.

Iha fatin hanesan Porta Voz AMP, Taur Matan Ruak iha intervensaun hateten husu ba veteranu sira hotu, antigun kombatente sira hotu ne’ebe luta, luta ba se, ho se no ba se. La kleur tan imi nia estrada Dili mai Ainaro lais los, la kleur tan jalan tol dolar tesik ida ne’e mai, ita hakarak ba moris diak, uma diak oan sira, matenek, servisu ba ita nia oan sira, han loron ida dala tolu la falta, hakarak sae aviaun bele, dezenvolvimentu ba moris diak, mas hahu agora husi ita hotu nia kontribuisaun, husi aman sira nia kontribuisaun.

“Mudansa ba ita nia vida, ita nia moris mai husi ita nia servisu, liu husi ita nia badinas, mai husi ita nia unidade, tanba ne’e momentu diak, ita atu haree ida kotuk, hodi harii, tau iha fatin, rekonnese inan aman sira nia terus, familia sira nia terus, iha kontribuisaun ba ita nia nasaun no haree ba oin dezenvolve ita nia rai fo moris diak ba ita nia oan sira”, hateten Taur Matan Ruak

Entretantu Konseileru KHUNTO, Jose dos Santos “Naimori Bukar”, hateten iha tempu pasadu la konta historia, maibe hatene istoria, istoria ida ne’ebe maka maun sira halo, so sira maka bele dolar ba ita nia uma, so sira maka bele hakat ba ita nia toos laran, so sira mak mai ita nia fahi luhan, tan deit hadomi no horik ba sira, hodi luta nafatin ba futuru no nasaun ida neíe nian.

“Konsege duni liberta nasaun ida ne’e, sira hotu fo fiar nafatin, fo brani nafatin ba ita nia maun boot, husik hela iha fulan hira nia laran, depois nia la haree ba nia kondisaun saude ne’ebe mak nia hetan, mas nia hakarak nafatin, prepara nafatin rai ida ne’e nia diak, povu ida ne’e nia diak”, hateten Naimori

Tuir observasaun TAFARA.TL kampanna ne’ebe halao iha Ainaro Vila kampu football, iha loron 10/04 hetan seguransa masimu hosi PNTL, FFTDL observador nasional, CNE, STAE no media nasioanal sira. *[ Emanuel Andrade | Editor: Zevonia Vieira | TAFARA.TL | 11.04.2018]

 

About Emanuel Andrade

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *