Sunday , June 24 2018
Home / Sosial & Politika / Xanana-TMR La Partisipa Iha Plenaria, Fidelis: Sira Hakarak Fo Opurtunidade Ba Deputadu Jovens
Deputadu AMP, Fidelis Magalhaes halo entrevista ho jornalista sira. [Foto: Jesuinho Marcal de Jesus | 13.06.2018]

Xanana-TMR La Partisipa Iha Plenaria, Fidelis: Sira Hakarak Fo Opurtunidade Ba Deputadu Jovens

Prezidente Aliansa Mudansa ba Progresu [AMP], Xanana Gusmao no Portavoz AMP, Taur Matan Ruak la marka prezensa iha primeiru plenaria ba V Legistura Parlamentu Nasional, iha loron 13/06.

Iha entrevista ho TAFARA.TL, membru Parlamentu Nasional V Legislatura, hosi bankada AMP, Fidelis Magalhaes hateten tanba Xanana Gusmao no Taur Matan Ruak hakarak fo oportunidade ba deputadu joven sira para mai iha parlamentu.

“Sira sai eis titular no akompanna nafatin politika ne’ebe halo iha parlamentu. Ida ne’e laos buat foun, iha tinan kotuk Prezidente Taur la marka prezensa”, hateten Fidelis iha uma fukun parlamentu nasional.

Membru Parlamentu nasional ne’ebe sei subtitui hodi troka Prezidente PLP, Taur Matan Ruak Mak Sabino Soares “Guntur” no Subtitui Ba fatin Prezidente CNRT, Xanana Gusmao mak deputadu Oscar.

Premeira plenaria ne’ebe halao hosi V Legislatura hosi bankada haat hanesan AMP ho kadeira 34, Fretilin ho kadeira 23, Partidu Demokratiku 5 no FDD 3. Iha plenaria dahuluk membru parlamentu, sira halao diskusaun votasaun ba projetu de liberasaun no.1/V konaba harii Komisaun Eventual Verifikasaun Poderes.

Plenaria ne’ebe hahu iha oras tuku 10:00otl, hetan partisipasaun maximu hosi observador nasional, internasional, membru governu hosi VII Governu Konstituisional, familia hosi deputadu no deputadu foun sira, media, no hetan seguransa maximu hosi Polisia Nasional Timor-Leste [PNTL] no seguransa sivil. * [ Zevonia Vieira | TAFARA.TL | 13.06.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *