Friday , August 17 2018
Home / Sosial & Politika / Xanana-TMR La Partisipa Loron 20 de Maiu, Lú Olo: Hau Haksolok , Se Sira Marka Prezensa
Prezidente da Republika, Dr. Francisco Guterres Lú Olo halo passagem da revista ba forsa sira. [Foto: Zevonia Vieira | 03.03.2018 ]

Xanana-TMR La Partisipa Loron 20 de Maiu, Lú Olo: Hau Haksolok , Se Sira Marka Prezensa

“Hau ho Xanana mak la ba, agora Lú Olo ba Prezidente iha seremonia espesial, Xanana ho Taur Matan Ruak mak la mai. Ita nia rain ne’e nungka mais atu bele hamutuk sempre buka fahe malu”. Marí Alkatiri

Lider nasional Xanana Gusmao no Taur Matan Ruak la marka prezensa iha loron aniversariu restorasaun independensia ba dala 16. Ba TAFARA.TL Prezidente da Republika, Dr. Francisco Guterres Lú Olo, hateten katak loron ida ne’e povu tomak nia loron.

“Loron restorasaun ba ita hotu no ba sira nain rua [Xanana no TMR. Red] hotu maibe sira nain rua la mai no hau la bele obriga. Hau sente haksolok liu, se bainhira sira hotu marka prezensa iha loron ida ne’e”, hateten Lú Olo

Iha fatin hanesan Primeiru Minsitru, Dr. Marí Alkatiri ba TAFARA.TL klarifika katak iha tempu Taur Matan Ruak sei Prezidente, no iha seremonia nasional, “hau ho Xanana mak la ba, agora Lú Olo ba Prezidente iha seremonia espesial, Xanana ho Taur Matan Ruak mak la mai. Ita nia rain ne’e nungka mais atu bele hamutuk sempre buka fahe malu”.

Bainhira TAFARA.TL halo konfirmasaun ho Minstro de Administrasaun Estatal, Valentim Ximenes, konaba organiza eventu ba restorasaun independensia, Ministru Valentim hateten katak iha aniversariu loron restorasaun independensia ba 16, Ministeriu Administrasaun Estatal konvida Timor oan hotu, lideransa nasioanal no lider rezistensia sira tomak

“Konvite ba ema Timor oan hotu, ba lideransa nasioanal sira hotu kedas, agora balun mai ami agredese, balun la mai ami, labele dehan tansa sira la mai. Ministeriu Estatal mak organiza no konvida hotu ita nia lider nasional, rezistensia, exekutivu, legislative no judisiariu bolu hotu”, hateten Valentim Ximenes.

Bainhira nutisia ne’e hasae, TAFARA.TL sedauk hetan konfirmasaun hos Taur Matan Ruak no Xanana Gusmao konaba tanbasa la marka prezensa iha loron 20 de Maiu.

Loron restorasaun ne’ebe halao iha palacio governu 20/05, ne’ebe agora hanaran ona praca de proklamasaun de independensia, hetan partisipasaun masimu hosi Primeiru Ministru hamutuk membru governu, F-FDTL, PNTL, korpu diplomatiku, membru parlamentu nasional IV Legistalura, veteranu, estudantes no komunidade em jeral. * [ Zevonia Vieira | TAFARA.TL | 20.05.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

SEKOMS Halao Enkontru Ho HAK, Hodi Rona Avaliasaun Area Komunikasaun Sosial

“Komunikasaun entre instituisaun governante sira ba nia povu la dun lao diak, entaun povu rasik …

Leave a Reply

Your email address will not be published. Required fields are marked *